27 qyrkúıek kúni «Rýhanı jańǵyrý» qazaqstandyq qoǵamdyq damý ınstıtýtynyń keńsesinde Basqarma Tóraǵasy Asylbek Esenbaev fransýzdyq «Tiji» balalar televızııalyq arnasynyń ókilderimen kezdesý ótkizdi. Kezdesý barysynda taraptar álemge tanymal balalar kontentin qazaq tiline aýdarý máselelerin talqylady.
Fransýz tarapynan kezdesýge «M6 Thématique»kompanııasynyń telearnalar men radıostansııalar portfelin halyqaralyq dıstrıbýsııalaý jónindegi dırektory Jan-Rene Okýtıýre jáne «M6 Thématique» halyqaralyq dıstrıbýsııa jónindegi dırektory, «LTI Vostok» JShQ Bas dırektory Marııa Jabına-Pantelık qatysty.
Kezdesý barysynda Asylbek Esenbaev QQDI-nyńqyzmeti týraly jáne ınstıtýt qabyrǵasynda mektepke deıingi jáne mektep jasyndaǵy balalardy rýhanı-adamgershilik tárbıeleý boıynsha ázirlengen strategııalyq josparlary týraly baıandap berdi.
Atap aıtqanda, taraptar telearnanyń tanymal mýltıplıkasııalyq kontentin qazaq tiline aýdarý máselelerin talqyǵa saldy.
О́z kezeginde Jan-Rene Okýtıýre «TiJi» telearnasy Qazaqstanmen yntymaqtastyq ornatýǵa qýanyshty ekenin atap ótip, telearnanyń qyzmeti men perspektıvaly jobalar týraly aqparattarymen bólisti. Ol balalar arnasynyń mazmundyq tory áleýmettik jelilermen salystyrǵanda balalar úshin qaýipsiz ekendigine de erekshe nazar aýdardy. «TiJi» ata-analarǵa da nazar aýdarady. Máselen, telearna torynda psıhologtar, neırobıologtar jáne muǵalimderdi qamtyǵan baǵdarlamalar da bar.
«Biz júzege asyrýdy josparlap otyrǵan joba memlekettik tildegi balalar úshin sapaly oıyn-saýyq kontentin arttyrý úshin mańyzdy. Bul «Rýhanı jańǵyrý» baǵdarlamasynyń 2021 jylǵa Ulttyq jańǵyrý kezeńine kóshýi boıynsha Jol kartasynda belgilengen basym baǵyttardyń biri», dep atap ótti kezdesý qorytyndysy boıynsha QQDI Basqarma Tóraǵasy Asylbek Esenbaev.
