Álem • 28 Qyrkúıek, 2021

AQSh «Spýtnık V» vaksınasyn saldyrǵan sheteldikterge elge kirýge tyıym salady

113 ret kórsetildi

Elge tek DDSU men AQSh bıligi bekitken vaksınany saldyrǵan týrıster ǵana kire alady, dep jazady Egemen.kz.

«Qarashadan bastap Amerıka Qurama Shtattaryna sheteldik týrısterdi kirgizýdiń jańa erejesi engiziledi: Dúnıejúzilik densaýlyq saqtaý uıymy nemese Amerıka bıligi maquldamaǵan vaksına, onyń ishinde reseılik «Spýtnık V» vaksınasy da bar, saldyrǵan sheteldik azamattar elge kire almaıdy», dep jazady The Washington Post.

Azyq-túlik jáne dári-dármek basqarmasy (FDA) osy ýaqytqa deıin Pfizer men Moderna vaksınalaryn, sondaı-aq qytaılyq Sinopharm jáne Sinovac kompanııalary jasaǵan preparattardy maquldady. Sońǵy ekeýi Qazaqstanda qoldanylatyn vaksınalar tiziminde bar.

Qyrkúıek aıynyń basynda DDSU mıssııasy QazVac otandyq vaksınasyn tirkeýge kómektesý úshin elge keletini týraly habarlandy. Ázirge bul preparat maquldanǵan joq.

Qazaqstandyqtardyń kópshiligi «Spýtnık V» vaksınasyn saldyrdy. DDSU Reseı zaýyttaryndaǵy óndiristik tájirıbege baılanysty vaksınany maquldaý prosesin toqtatty.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar