Senattyń Ekonomıkalyq saıasat, ınnovasııalyq damý jáne kásipkerlik komıtetiniń keńeıtilgen otyrysynda depýtattar «Qazaqstan Respýblıkasynyń keıbir zańnamalyq aktilerine memlekettik satyp alý, jer qoınaýyn paıdalanýshylar men tabıǵı monopolııalar sýbektileriniń satyp alýy, baılanys, avtomobıl kóligi jáne qorǵanys máseleleri boıynsha ózgerister men tolyqtyrýlar engizý týraly» zań jobasyn talqylady.
Memlekettik satyp alýdy júzege asyrýǵa arnalǵan negizderdiń sanyn bir bastaýdan alý ádisimen qysqartý – zań jobasyndaǵy jańalyqtardyń biri bolyp otyr.
«Zań jobasy memlekettik satyp alýdy erekshe jaǵdaılarda ǵana tikeleı shart jasasý arqyly bir kózden alý tásilimen júzege asyrýdy kózdeıdi. Sonymen qatar, tıimsiz bolǵan jaǵdaıda bir kózden memlekettik satyp alý týraly sheshim qabyldaǵan laýazymdy tulǵa mindetti túrde jeke jaýapty bolady», dedi senator Edil Mamytbekov.
Qujat sondaı-aq memlekettik satyp alýdy ótkizýdiń 4 jańa tásilin, onyń ishinde shekti kelisimdi, reıtıng-baldyq júıeni paıdalana otyryp, elektrondyq dúken arqyly jáne satyp alynatyn taýarlar, jumystar men kórsetiletin qyzmetterdiń ómirlik tizbegi qunyn esepke ala otyryp satyp alýda konkýrstyq tásildi kózdeıdi.
