«Kórshiles memlekettermen dızel otynyna baǵanyń dısparıteti is júzinde janarmaıdyń «aǵylýyna» ákep soqty, tranzıtti júk fýralary Qazaqstan aýmaǵynda bir quıǵanda 1000 jáne odan kóp lıtr quıady. Sondaı-aq qazan aıynda Pavlodar munaıhımııa zaýyty (PMHZ) josparly jóndeý jumystaryna baılanysty qyzmetin toqtatady», delingen habarlamada.
Uıymnyń habarlaýynsha, joǵaryda atalǵan faktorlar dızel otynynyń jetispegen kólemin Reseıden ımporttaý qajettiligin týyndatady. Saldarynan baǵanyń kóterilýine ákep soǵady, óıtkeni satyp alý baǵasy men shyǵyndardy da eskerý qajet.
QazaqOil dızeldiń túsimine qaraı baǵanyń ózgerýi kezeń-kezeńimen júretinin habarlady. Birinshi kezektegi mindet barlyq tutynýshylar úshin qajetti kólemdi qamtamasyz etý bolyp sanalady.
Qazirgi ýaqytta atalmysh kompanııanyń dızel otynynyń bir lıtri Almatyda 205 teńgeden satylady. Buǵan qosa Qazaqstanda dızeldiń ortasha quny 2021 jyldyń tamyz aıyndaǵy kórsetkish boıynsha 198,93 teńgeni quraıdy. LS-tiń habarlaýynsha, bul shilde aıymen salystyrǵanda 1,3 paıyzǵa, al ótken jyldyń sáıkes kezeńimen salystyrǵanda 8 paıyzǵa kóp.
