Pavlodarda eki jasar sábı dáriger qateliginen kóz jumdy

Pavlodar oblysynda eki jasar qyz bala asqazanyn shaıǵannan keıin komaǵa túsip, esin jımastan qaıtys boldy. Bul týraly «Qazaqstan» telearnasy habarlady. Qyz balanyń anasy Rasıma Shekenovanyń aıtýynsha, balasynyń júregi aınyp, qusa bastaǵan. Sosyn aýyl feldsheri kelip, oǵan júrek aınýyn basatyn dári salǵan kórinedi. Al bir kúnnen keıin qyz balanyń jaǵdaıy nasharlap, Jelezi aýdandyq aýrýhanasyna túsipti. Ondaǵy dárigerler sábıdiń asqazanyń shaıǵanymen, nátıje bolmady. Kóp uzamaı esin jımaǵan kúıi kóz jumdy.  Buǵan qatysty ata-ananyń jazylǵan aryzyna sáıkes, Densaýlyq saqtaý mınıstrligi medısınalyq jáne farmasevtıkalyq qyzmetti baqylaý komıtetiniń oblystyq departamenti tekserý jumysyn bastap ketti. Osynyń aldynda buqaralyq aqparat quraldary betinde osy óńirdegi týberkýlezden emdeý shıpajaıynda 3 jasar Mark Frolovtyń qaıtys bolǵany týraly jazylǵan bolatyn. Densaýlyq saqtaý mınıstrligi bekitken komıssııanyń qorytyndysyna júginsek, álgi shıpajaıda em alǵan bala dáriger joq kezde ishek tazartý klızmasyn durys qoımaǵan medbıkeniń kesirinen qaıtys bolǵan. Sol kezde bala ólimine kináli dárigerler raqymshylyqtyń  jarııalanýyna baılanysty jazaǵa tartylmaǵan edi... Ámirhan Almaǵanbetov. Derekkóz: «Qazaqstan» telearnasy. Foto: Moe – online.ru