Qoǵam • 29 Qyrkúıek, 2021

Bilim berý mekemeleriniń qupııa derekterine qaýip tóndi

78 ret kórsetildi

JOO stýdentteri men oqytýshylarynyń qashyqtyqtan oqytý júıesine arnalǵan jeke kabınetiniń logıni men paroli jazylǵan faıl tárizdi ashyq derekke shyǵyp ketken, dep jazady Egemen.kz.

«MTQ» AQ-nyń KZ-CERT kompıýterlik ınsıdentterge áreket etý qyzmeti ınternettiń qazaqstandyq segmentin monıtorıngten ótkizý prosesinde SMB hattamasy boıynsha qoljetimdi faıl serverin anyqtady. Bul server sheteldik bilim berý mekemesi fılıaldarynyń birine tıesili.

Faılda stýdentter men oqytýshylardyń qashyqtyqtan oqytý júıesine arnalǵan jeke kabınetiniń logıni men paroli bar qupııa derekter, sondaı-aq ártúrli ishki qujattar saqtalǵan.

Alaıaqtardyń ony oqýshylar men oqytýshylardyń jeke kabınetine kirý úshin paıdalanyp, aqparatty ruqsatsyz ózgertý qaýpi bar. Ol arqyly baǵalardy ózgertýge de bolady.

Budan basqa, anyqtalǵan serverde faıldy kedergisiz júkteý jáne ózgertý múmkindigi bar. 

KZ-CERT server ıelenýshisine Internetten qoljetimdilikti shekteý jónindegi usynym jiberdi.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar