Soltústik Koreıa synaqty shyǵys jaǵalaýy mańynda jasaǵan. Zymyran teńizge qaraı atylǵan kórinedi. KHDR ıadrolyq jáne ballıstıkalyq zymyran arsenalyn keńeıtýge arnalǵan baǵdarlamasyn kúsheıtip otyr. Sóıtip, qarý-jaraq júıesin jetildirmek. Al oǵan AQSh sanksııa salǵan bolatyn.
AQSh-tyń Soltústik Koreıa jónindegi arnaıy ókili Sýn Kımniń aıtýynsha, dybystan jyldam zymyrandy synaqtan ótkizý aımaqty turaqsyzdyqqa ákelip, óńirge qaýip tóndiredi. Soǵan qaramastan, Vashıngton bıligi Koreıa túbegin ıadrolyq qarýdan azat etý jónindegi dıplomatııalyq áreketin jalǵastyra bermek.
«Phenıannan jaýap kútemiz. О́ıtkeni, qarýsyzdanýǵa qatysty kóptegen áreket jasadyq. Kóptegen másele boıynsha kelissóz júrgizýdi usyndyq», dedi ol.
Dybystan jyldam ushatyn zymyrandardyń nysanaǵa baǵyttalǵan traektorııasyna túspes buryn ǵaryshqa qaraı ushatyn ballıstıkalyq zymyrandardan aıyrmashylyǵy bar. Mundaı gıpersonık raketa jerge jaqyn, tómen bıiktikte ushady. Sondaı-aq jyldamdyǵy dybystan bes ese kóp. Iаǵnı saǵatyna 6200 km.
Ońtústik Koreıa birlesken áskerı shtabynyń habarlaýynsha, Soltústik Koreıanyń gıpersonık zymyrany áli tolyqqandy jetilmegen. Bul onyń jyldamdyǵy men basqa da málimetterine súıene otyryp jasalǵan.
