Qytaıdyń soltústik-shyǵysynda elektr energııasy sónip, mıllıondaǵan úı qarańǵylyq qushaǵynda qaldy. Zaýyttardyń jumysy toqtady. Global Times gazetiniń habarlaýynsha, Szılın, Lıaonın jáne Heılýnszıan provınsııalarynda elektr energııasyn berý kútpegen jerden úzilgen.
Jaryqtyń sónýi kómir tapshylyǵyna baılanysty bolǵan. Onyń ústine, jergilikti bılik eshkimge eskertý jasamaǵan. Keıbir jerde baǵdarsham janbaı, uıaly telefon júıesi de isten shyqqan.
Szılındegi kommýnaldyq kásiporynnyń habarlaýynsha, elektr qýatynyń jetispeýi kez kelgen ýaqytta sý berýge kedergi keltirýi múmkin. CCTV memlekettik telearnasy Lıaonın qalasyndaǵy fabrıkada jaryq sóngennen keıin jumysshylar kómirqyshqyl gazynan ýlanyp, 23 adam aýrýhanaǵa jetkizilgenin habarlady.
Elektr energııasynyń jetispeýi eldegi ónerkásiptik óndiriske áser etip, zaýyttardyń jumysyn toqtatyp tastady. Olardyń qatarynda Apple men Tesla sekildi áıgili kompanııalar da bar.
