Portýgalııaǵa álimiz jete me?

Portýgalııanyń órenderi álem chempıonatynda bes ret baq synady. 2000 jyly olar qola medaldi ıelendi. Gvatemalada ótken sol jarystyń toptyq týrnırinde Pı­reneı túbeginiń túlekteri Qazaq­stan quramasymen kezdesip, 6:2 esebimen jeńiske jetkeni jan­kúıerlerdiń jadynda. Dál sondaı eseppen olar alań ıelerin de utty. Biraq Brazılııaǵa áli jetpedi – 0:4. О́z tobynda ekinshi oryndy ıelengen portýgalııalyqtar ekin­shi kezeńde Nıderland (3:1) pen Horvatııany (3:1) jeńgenimen, Is­­panııaǵa (1:3) ese jiberdi. Jar­­tylaı fınalda qaıta brazı­lııalyqtarmen jolyqty. Bul joly Ońtústik Amerıkanyń oǵ­lan­­dary qarsylastar qaqpasyna jaýapsyz segiz gol saldy. Úshin­­shi oryn úshin tartysta Re­seıdi 4:2 esebimen utyp, qola me­daldi oljalady.

2004 jyly Taıpeıde Portý­galııa oıynshylary ekinshi ke­zeńde súrinse, 2008 jyly Bra­zılııada óz tobynan shyǵa almady. 2012 jyly Taılandta pleı-offqa joldama aldy. 1/8 fınalda Paragvaıdy (4:1) jeńip, ¼ fınalda Italııaǵa (3:4) jol berdi. 2016 jyly Kolým­bııada jalaýy jelbiregen jarysta por­týgalııalyqtardyń jeńis tuǵy­ryna kóterilýge jaqsy múm­kin­digi boldy. Toptyq týrnırden irkilmeı ótken olar pleı-offtyń alǵashqy eki kezdesýinde Kosta-Rı­ka (4:0) men Ázerbaıjandy (3:2) qapy qaldyrdy. Jartylaı fı­nalda Argentınadan (2:5) aıla­syn asyra almady. Al qola medal úshin tarysta Iranmen teń tús­ti. Pe­naltı soǵý barysynda Par­­sy eli ókilderiniń (3:4) baǵy jandy.

Pıreneı túbeginen kelgen ji­gitter Eýropa chempıonatyna toǵyz ret qatysty. Alǵashqy úsh jarys­ta joldary bolmaǵanymen, odan keıin jaqsy nátıje kórsete bas­tady. «Eýro» dodasyndaǵy eń zor tabysy – 2018 jylǵy chempıondyq ataq. Slovenııada ótken týrnırdiń fınalynda olar Ispanııany (3:2) san soqtyrdy. 2010 jyly Majarstanda ótken jarysta aqtyq synǵa deıin alqynbaı jetkenimen, sheshýshi tusta joǵaryda atalǵan syralǵy qarsylasynyń asyǵy alshysynan tústi – 4:2. 2014 jyl­ǵy jarysty tórtinshi orynmen qory­tyndylasa, 2012 jáne 2016 jyldary shırek fınaldan asa almady.

Portýgalııa qurama­sy­nyń bas­­ty juldyzy Rıkardý Fı­lıpe da Sılva Braga (Rıkar­dıno) eke­ni sózsiz. 35 jastaǵy oıyn­shy­nyń sporttyń bul túrinde baǵyn­dyrmaǵan belesi joq. Onyń ulttyq qurama sapynda júr­genine baqandaı 18 jyl bol­dy. Bir keremeti, ol alty már­te (2010, 2014, 2015, 2016, 2017, 2018) tórt­­kúl dúnıeniń teń­dessiz fýtzalshysy atanyp, bir ret (2016) surmergender kóshin bas­tady. Eýropanyń eń úzdik oıyn­shysy (2007, 2018) jáne eń mer­gen shabýylshysy (2016, 2018) ata­ǵyn eki retten ıelendi. Jer- jahandaǵy birde-bir fýtzalshy osyndaı orasan zor tabysymen maqtana almaıdy.

Bul kúnderi Baltyq jaǵa­laýynda ótip jatqan álem chem­pıonatynyń toptyq týrnırinde portýga­lııalyq­tar birinshi oryn­dy ıelendi. Olar Taıland (4:1) pen Solomon araldarynan (7:0) basym túsip, Marokkomen (3:3) teń oınady. 1/8 fınalda qosym­sha ýaqytta Serbııany (4:3) san soqtyryp ketti. Ispanııaǵa qarsy ótkizgen shırek fınaldyq saıys­ta da oıyn ekstra-taımǵa ula­syp, aqyrynda jeńiske jetti – 4:2.

Mine, jartylaı fınalda Qa­zaqstan quramasy osyndaı azýly qarsylaspen kúsh synasady. Biraq bizdiń jigitter de osal emes. Dál qazir olar «Jeńiske jetemiz!» dep jer tarpyp tur. Eger osy básekede me­reıimiz ústem bolsa, onda Lıtvadaǵy dúbirli dop dodasynda bas júlde úshin talasý múmkindigine ıe bolamyz. Olaı bolsa, tartynatyn nesi bar?! Alǵa, Qazaqstan!

Ta­ǵy bir aıta keterlik jaıt, eki komanda bir-biri­men ne­bári eki ret qa­na kez­desti. Ǵa­syrlar to­ǵy­synda Gva­­­­­temalada bol­­ǵan jaıtty jo­ǵaryda aıt­tyq. Ese­sine 2015 jyly Eý­ropa chem­pıo­na­ty­nyń irikteý oıynyn ót­ki­zý úshin Qa­zaq­stan­ǵa kelip, bizdiń jigitterden 1:3 ese­bimen jeńilip qaıtty.