Bul týraly LS. basylymy málimdedi.
Qazaqstanda qańtar-tamyz aralyǵynda 3 mlrd danadan astam jumyrtqa óndirildi. Bul 2020 jyldyń sáıkes kezeńimen salystyrǵanda 10 paıyzǵa az. Elimizdegi ár otbasy úsh aıda orta eseppen 49 jumyrtqa tutynady. Sol aralyqta oǵan 7 myń teńgege jýyq qarajat jumsaıdy.
Jumyrtqanyń 10 danasy ortasha eseppen 355 teńgeden saýdalanady. Bul ótken jylmen salystyrǵanda 21,5 paıyzǵa kóp.
Otandyq ónim Aýǵanstan (50,9 mln dana), Reseı (10,7 mln dana), Qyrǵyzstan (2,8 mln dana), Mońǵolııa (2,7 mln dana) elderine jiberiledi. Osylaısha 2021 jyldyń qańtar-tamyz aılary aralyǵynda 33,3 mln dana jumyrtqa eksporttaldy.
Degenmen, ımporttalatyn jumyrtqa da joq emes. Máselen Reseıden 84,5 mln, al Belarýsten 9,2 mln dana jumyrtqa ımporttalady.
