El bolashaǵy – bilimdi urpaq

Elbasy Qazaqstan halqyna arnaǵan «Qazaqstan joly – 2050: bir maqsat, bir múdde, bir bolashaq» atty Joldaýynda aldaǵy úsh jylda mektep jetispeýshiligin joıyp, bilim ordalaryn múmkindiginshe eki aýysymǵa aýystyrý kerektigin, 2020 jylǵa qaraı Qazaqstandaǵy 3-6 jas aralyǵyndaǵy balalardy mektepke deıingi bilimmen 100 paıyz qamtý josparlanǵanyn aıtyp ótti. Sondaı-aq, oqýshylarǵa zamanaýı baǵdarlamalar men oqytý ádistemelerin, bilikti mamandar uǵyndyrýynyń mańyzdylyǵy, orta bilim berý júıesinde jalpy mektepterdi Nazarbaev zııatkerlik mektepterindegideı oqytý deńgeıine jetkizý kerektigin shegeleı túskeni málim. Mektep túlekteri qazaq, orys jáne aǵylshyn tilderin bilýi, syndarly oılaý, ózindik izdenis pen aqparatty tereń taldaýǵa mashyqtanýy da qajet. Oqý úlgerimi joǵary stýdentter men oqýshylarǵa qoldaý kórsetýdiń tıimdi júıesin qurý qajettigin alǵa tartty. Munyń ózi jas jetkinshekterdi qoldap, jas urpaqtyń alańsyz bilim alýy úshin qolǵa alynyp otyrǵan ıgi is. Bilim sapasyn kóterip, muǵalim bedelin arttyrý, jańa mektep, balabaqsha salý syndy jumystar Elbasy tapsyrmasyna sáıkes, kezeń-kezeńimen óńirimizde júzege asyrylýda. О́tken jyly aýdanymyzda salynǵan jańa №4 orta mektep paıdalanýǵa berilse, 2 balabaqsha ashylyp, M.Taıpov atyndaǵy mektep kúrdeli jóndeýden ótti. Elbasy Joldaýynda 2015 jylǵy 1 shildeden bastap bilim berý salasyndaǵy qyzmetkerlerdiń jalaqysyn 29 paıyzǵa deıin ósirý ustazdar jumysyna sony serpin beredi. Muǵalimder mereıin ústem etip, keleshekten zor úmit kúttirgen Joldaýǵa qashanda qoldaý kórsetý bizdiń basty mindetimiz. Elbasy Joldaýyn aldymen qoldaýshy da, jalǵaýshy da ustazdar qaýymy bolmaq. О́ıtkeni, biz muǵalimder oqýshylarǵa durys baǵyt-baǵdar bere otyryp, elimizdiń bolashaǵyn qalaýǵa atsalysýshylarmyz. Qazaqstannyń keleshegi – bilimdi urpaq. Nazgúl HELILOVA, Dolaıty orta mektebi mýzyka pániniń muǵalimi. Almaty oblysy, Uıǵyr aýdany.