Bul týraly Reuters agenttigi málimdedi.
Emmanýel Dapıdran Pakıao (Mennı Pakıao) saılaý organyna úmitkerligin usyný týraly kýálik tapsyrǵan. Saılaýǵa sportshy bıliktegi «Fılıppın demokratııalyq partııasy - Halyqtyq bılik» (PDP-Laban) atynan qatysady.
«Meniń basty mindetim - ekonomıkany qalpyna keltirý úshin pandemııamen kúresý», dedi ol.
Tirkeý ǵımaratyna barar jolda Pakıaony jol shetinde ondaǵan jaqtasy qarsy alǵany aıtylady.
Pakıao prezıdenttikke úmitkerler arasynda tórtinshi orynda ekenin kórsetip, «kedeılerdiń daýysy estilmegenin» aıtty.
2016 jyldan beri bokstan burynǵy álem chempıony eldiń senatory qyzmetin atqarǵan. Fılıppın prezıdentine saılaý 2022 jyly 9 mamyrda ótedi.
Buǵan deıin Mennı Pakıao kásibı karerasyn aıaqtaǵany týraly habarlaǵan bolatyn. Fılıppındik boksshynyń el prezıdenti saılaýyna túsetini belgili boldy.
