Negizgi ustanym – jyldyń bas qujatyn júzege asyrý

Elbasy Nursultan Nazarbaev «Qa­zaqstan joly – 2050: bir maqsat, bir múdde, bir bolashaq» atty halyqqa Joldaýynda memlekettik qyzmetkerler elimizdiń damý strategııasynyń negizgi ustanymyn uǵynyp, mánin tereń túsinip, ony iske asyrýda jigerlilik tanytýy qajettigin erekshe atap ótti. Halqymyzdyń ál-qýaty men dáý­letiniń artýymen birge mem­lekettik qyzmet salasyndaǵy aıbyn­dy jobalar iske asyrylyp jatqany bizdi qýantady. Refor­ma aıasynda qalyptasqan mem­le­kettik qyzmetkerlerdiń «A» já­ne «B» korpýstaryna Joldaýda aıtylǵandaı, úlken jaýapkershilik pen mindetter júktelgen. Bul min­detterdi memlekettik qyzmet­ker­ler bolashaqta zor senim­men oryndap shyǵatynyna esh kúmán joq. Joldaýda «B» korpýsyndaǵy mem­lekettik qyzmetkerlerdiń jalaqysyn 2015 jyly 15 paıyz, 2016 jyly taǵy da 15 paıyzǵa kóterý týraly Elbasynyń sheshimi memlekettik qyzmetkerlerge jasalyp otyrǵan qamqorlyqtyń shynaıy kórinisi dep bilemiz. Qazaqstan Respýblıkasy Mem­lekettik qyzmet isteri agenttiginiń aý­maq­­tyq bólimshelerine memle­kettik qyzmet salasyndaǵy saıasat­ty iske asyrýda úlken jaýap­ker­shilik artylǵan. Memlekettik qyzmetkerlerdiń Ar-na­mys ko­deksi talaptaryn qatań saqtap, berik ustanýymen qatar sybaılas jem­qor­lyqqa qarsy turýy shart. Sondyqtan olarǵa moraldyq qoldaý kórsetip, árbir memlekettik qyzmetshige tán etıkany saqtaý, qalyptastyrý baǵytynda ju­mys­tardy júıeli júrgizý bizdiń aldymyzǵa qoıylǵan mindet. Almaty oblysyndaǵy 7 myńnan asa memlekettik qyzmetkerdiń zańnama sheńberinde tól mindetin atqarýyn baqylaý barysynda óńirdegi Tártiptik keńestiń jumysy mańyzdy. Adal, qara­paıym, ádiletti memlekettik qyz­met­kerdiń qo­ǵam men halyq tarapy­nan úlken qol­daýǵa ıe bolatyny sózsiz. Ultyna, dinine, shyǵý tegine qaramaı árbir aza­mat memlekettik qyzmetke kirýge quqy­ly. Búgingi memlekettik qyzmetke irik­teý­degi ashyqtyq, teńdik, zańdylyq qaǵıdat­tarynyń ústemdik alýy halyq tara­pynan memlekettik qyzmet pen memle­kettik bılikke degen seniminiń artyp kele jatqanyn kórsetedi. Almaty oblysyndaǵy ja­ǵym­dy úr­dis retinde memlekettik qyzmetke kirem deýshilerdiń basym bóligin jastar qurap otyrǵandyǵyn erekshe atap ótýge bolady. Memlekettik qyzmetke kelip, jumys isteımin degen azamattar oıynda bir ǵana máseleni ustaý qajet, ol mansap, bılikqumarlyq emes, tek elge degen adal qyzmet. Adaldyq pen jaýapkershiligi bar azamattar árdaıym, kásibı ósip-jetilýine Qazaqstan Res­pýb­lıkasyndaǵy memlekettik qyz­met salasyna qatysty zańnamada kepil­dik berilgen. Memlekettik qyzmet sala­syn­da jasalǵan reforma nátı­je­sinde búgingi kúni Almaty obly­synyń aýdandary men qala­larynda personaldy basqarý­dyń biryńǵaı júıesine kóshý jumystary júrgizilip jatyr. Bul jańashyldyqtyń basty maqsaty jergilikti jerlerdegi kadr saıa­sa­tynyń tıimdi ári nátıjeli iske asýyn qalyptastyrýǵa baǵyttalyp otyr. Búgingi kúni Qazaqstan Res­pýb­lı­kasy memlekettik qyzmet isteri agent­tigi Almaty oblysy boıynsha depar­tamentiniń qyz­metkerleri tarapynan jergilikti deńgeıde qurylǵan perso­naldy basqarý bólimderiniń jumy­syn jetildirý maqsatynda qajet­ti aq­pa­rattyq, ádistemelik kómek­ter kór­seti­lip, qajetti sharalar uıym­das­tyry­lýda. Bul baǵyttaǵy uıymdas­ty­rý­­shy­lyq sharalar aldaǵy ýaqytta da belgi­lengen júıemen iske asatyn bolady. Aldymyzǵa qoıylǵan mindetti oryn­daý úshin bizde Elbasy aıt­qandaı bir maqsat, bir múdde, bir bolashaq bolýy shart. Elbasy 2050 jylǵa deıingi eli­mizdiń da­mýy­nyń basym baǵyttaryn aıqyn­dap berdi. Ultymyz úshin mańyz­dy bul Strategııalyq qujatty bir múd­de aıasynda iske asyrýǵa kiris­sek, alatyn asýlarymyz bıik bol­maq. Marat ORAZALI, Qazaqstan Respýblıkasy Memlekettik qyzmet isteri agenttiginiń Almaty oblysy boıynsha departamentiniń basshysy – Tártiptik keńes tóraǵasy. Almaty oblysy.