Jaqynda Nıý-Iorkte BUU qyzmetimen tanystyrý jónindegi komıtet «Bilim berý arqyly qaýipsizdikti qoldaý» taqyrybynda konferensııa uıymdastyrdy. Konferensııa jumysyna 700-den astam belsendiler, oqytýshylar men stýdentter qatysty.
Qazaqstannyń BUU janyndaǵy Turaqty ókili is-sharaǵa qatysýshylardyń nazaryna álem jurtshylyǵy tarapynan qoldaý tapqan Elbasy N.Á.Nazarbaevtyń ATOM jobasy bastamasyn usyndy. Delegattar Qazaqstandaǵy keńestik ıadrolyq synaqtardyń qaıǵyly tarıhymen, ıadrolyq qarýsyzdaný úrdisine elimizdiń qosqan úlesimen, sondaı-aq, taratpaý rejimin kúsheıtýge jáne jahandyq ıadrolyq qarýsyzdaný salasyndaǵy eleýli progreske jetýge baǵyttalǵan dáıekti qadamdarymyzben tanysty.
Is-sharany uıymdastyrýshylardyń biri, Nıý-Djersı ýnıversıtetiniń professory Rýf Nılsenniń aıtýynsha, «ATOM jobasy ıadrolyq qarý synaqtaryn toqtatýǵa, ıadrolyq qarýsyzdaný, ǵalamdyq ıadrolyq arsenaldar, ıadrolyq qarý saıasaty týraly keńinen habardar etýge múmkindik beretin mańyzy zor joba bolyp tabylady».
Konferensııa barysynda qatysýshylar álem úkimetterine arnalǵan Iаdrolyq synaqtarǵa jappaı tyıym salý týraly sharttyń kúshine enýine qol jetkizý jáne ıadrolyq qarýdan azat álemge jetýge baǵyttalǵan jańa mańyzdy qadam jasaý úndeýin bekitken ATOM jobasynyń onlaın-petısııasyna qol qoıdy.
«Egemen-aqparat».
