Ishki ister mınıstri Erlan Turǵymbaev 2021 jylǵy 20 qyrkúıekte qyzmettik mindetterin atqarý kezinde qaza tapqan Almaty qalasy Polısııa departamentiniń eki qyzmetkeriniń otbasylaryna memlekettik nagradalardy tapsyrdy.
«Bizdiń áriptesterimiz, polısııa maıory Darhan Súleev pen polısııa kapıtany Nurbol Baıǵazıev qyzmettik mindetterin adal atqaryp, áriptesterine úlgi bolyp, bolashaqqa jospar qurdy. Olardyń ómirin qıǵan qaıǵyly oqıǵa barlyq qazaqstandyqtardy dúr silkindirdi», dep atap ótti IIM basshysy.
Ýchaskelik polısııa ınspektorlary Darhan Súleev pen Nurbol Baıǵazıev qaza tapqan soń Prezıdent Qasym-Jomart Toqaevtyń Jarlyǵymen II dárejeli “Aıbyn” ordenimen marapattaldy.
«Búgin men Memleket basshysynyń tapsyrmasy boıynsha olardy tapsyrý úshin keldim», dep atap ótti mınıstr Erlan Turǵymbaev.
Ol ishki ister organdarynyń qyzmetkerleri qyzmettik boryshy boıynsha árdaıym qylmysqa qarsy kúrestiń jáne azamattardyń qaýipsizdigin qamtamasyz etýdiń aldyńǵy qatarynda ekenin atap ótti. Polıseılerdiń kúndelikti jumysy ómir men densaýlyqqa qaýip tóndiredi. Syn jaǵdaılarynda birneshe sekýnd ishinde olar jaýapty sheshimder qabyldaýǵa májbúr, keıde adamnyń ómirimen baılanysty bolady.
