Qyzdy izdeýge polısııanyń jeke quramy, sondaı-aq «Felıks» esimdi arnaıy úıretilgen qyzmettik ıti bar kınologııalyq qyzmet qyzmetkeri jumyldyrylǵan. It sanaýly mınýttarda qyzdyń izin taýyp, birneshe úıdi aralap, boıjetken men jigit birge turǵan kólikke alyp keldi. Tabylǵan qyz anasyna tapsyryldy.
Iývenaldy polısııa qyzmetkerleri kámeletke tolmaǵan balany profılaktıkalyq esepke aldy. Ata-analarmen áńgime júrgizildi. Anyqtalǵandaı, ol buryn da úıden ketip, biraq uzaq ýaqyttan keıin oralǵan. Qyzmettik ıttiń arqasynda jasóspirim az ýaqyttyń ishinde tabyldy.
Aıta ketý kerek, «Felıks» atty ıt jaqynda qyzmetke kirgen.
Osy jyldyń qyrkúıek aıynyń basynda polısııa ıti balalar attraksıondarynyń janynda joǵalyp ketken eki jasar balany taýyp alǵan bolatyn.
