Shekaralyq «Tranzıt» is-sharasy jalǵasýda

«Tranzıt» birikken shekaralyq is-sharasyna qazaqstandyq shekarashylar belsendilikpen qatysýda. Atalǵan is-shara ótken jyldyń 30 qazanynda QR UQK Shekara qyzmetiniń ókimi negizinde ońtústik baǵytta bastalyp, oǵan UQK, IIM, Ekonomıkalyq jáne sybaılas jemqorlyqqa qarsy kúres agenttiginiń, Kedendik baqylaý komıtetiniń aýmaqtyq bólimsheleri de qatysýda. Is-sharanyń bas­ty maqsaty – óz ýaqytynda memlekettik shekara, onyń rejimin, baqylaý beketterindegi rejimin buzýshylyqtarynyń jolyn kesý. Is-shara bastalǵaly beri shekara saqshylary 720-dan astam shekara zańdylyǵyn buzýshylardy anyq­tady. Olardyń 155-i Qazaqstan Respýb­lıkasynyń azamattary bolsa, 40 shaqtysy – Reseı Federasııasynyń, 90-nan astamy О́zbekstan, 370-ten astamy Qyrǵyzstannyń, 23-i Túrkııa, 10-y Tájikstan, 5-eýi Ázerbaıjan, 3-eýi Qytaı, 2 adamnan Avstralııa, Ger­manııa, Grýzııa, Mońǵolııa, Ýkraına, Bela­rýs azamattary, bir-birden AQSh, Ulybrıtanııa, Izraıl, Moldova, Pol­sha, Aýǵanstan jáne Armenııadan kelgender bar. Sondaı-aq, is-shara kezinde 2 kılogramm 300 gramm geroın, 170 gramm gashısh, zańsyz ótkizilmek bolǵan 35 ton­nadaı halyq tutynatyn taýarlar, 16 túıinshek kıim-keshek, 6 dana avtomobıl, 3 tonnadan astam dızel janarmaıy, 10 tonnadan astam qus eti, 38 bas múıizdi iri qara, 8 bas usaq mal, 36 bas jylqy jáne 12 túıe ustaldy. Sonymen qatar, dári-dármekter, balalar taǵamy, irimshik pen maı ónimderiniń de zańsyz ótýine jol berilmedi. Jasyryn jolmen ótkizilmek bolǵan 240 dana ruq­satsyz dıskiler, deklarasııalanbaǵan 17 000 AQSh dollarynyń, 1000 eýronyń, qyrǵyz somdary men teńgeniń joly kesildi. «Tranzıt» birikken shekaralyq is-sharasy áli de jalǵasýda, dep habarlady QR UQK ShQ-nyń baspasóz qyzmeti.