Ushqyndap jaýǵan qarǵa qaramastan, elordanyń botanıkalyq baǵyna jınalǵan dýatlon jankúıerleri áýesqoılar arasyndaǵy qalalyq jarysty tamashalaýda. Solardyń arasynda QR Prmer-Mınıstriniń orynbasary Eraly Toǵjanov ta bolyp, saıysty ashty.
«Osyndaı kún raıyna qaramaı, jarysqa kelgen áýesqoı sportshylarǵa, olardy qoldaý úshin jınalǵan jankúıerlerge alǵys aıtamyn», dedi vıse-premer.
Jarysty uıymdastyrýshylardyń sózine qaraǵanda, bul shara ashyq aspan astyndaǵy trıatlon maýsymyn túıindeıtin saıys bolmaq.
«Búgingi dýatlon jarysyna 150 adam qatysyp jatyr. Olar jasy boıynsha 18-29, 30-39, 40-49 jáne 50-den joǵary dep tórt sanatqa jiktelgen. Sondaı-aq, áıelder men erler bólek-bólek synǵa túsip jatyr. Dýatlonnyń birinshi kezeńinde 5 shaqyrymǵa júgiredi. Odan keıin velosıpedke minip, 20 shaqyrymdy eńserip, qaıta 2,5 shaqyrym júgiredi. Bul jarys ashyq aspan astyndaǵy trıatlon maýsymyn qorytyndylaıtyn jarys dese de bolady. Jarys júldegerlerine sport jaraqtary syıǵa beriledi. Onyń ústine medalder tabystalady. Jarysqa kileń áýesqoılar qatyspy jatyr», dedi Nur-Sultan qalasynyń trıatlon federasııasynyń bas hatshysy Arman Bájenov.
