Energyprom.kz zertteýi boıynsha, qańtar-tamyzda elimizde 100,8 myń tonna makaron, kespe jáne basqa uqsas un ónimderi óndirilgen. Bul ótken jylmen salystyrǵanda 13,3%-ǵa az.
О́ńirlik jaǵdaıda sektordaǵy ónim kólemi boıynsha Shymkent kóshbasshy: 17,8 myń tonna óndirilgen. Byltyrǵymen salystyrǵanda 16,3%-ǵa za. Úzdik úshtiktiń qataryna elorda (16,7 myń tonna, -19,2%) men Batys Qazaqstan oblysy (15,1 myń tonna, -1,3%) kirdi.
Jalpy alǵanda, 2020 jyly elimizde 179,3 myń tonna makaron ónimderi óndirildi, bul bir jyl burynǵy kórsetkishten 6,2% -ǵa artyq.
Tamyz aıynyń sońynda makaron ónimderiniń baǵasy aıyna 1,3 -ǵa jáne jylyna 11,1%-ǵa ósken. Baǵa ósimi Atyraý (22%), Qyzylorda (18,4%) jáne Qaraǵandy (17,5%) oblystarynda qattyraq bilindi.
«Jyldyq dınamıkadaǵy makaron ónimderiniń ishinde kespe - 12,4%, spagettı - 11,5%, vermıshel - 10,9%, rojkı 10,7%-ǵa qymbattady», deıdi sarapshylar.
Qyrkúıek aıynda bazar men dúken sóresinde 1 kg kespeni 782 teńgeden, vermıshel - 374 teńgeden, rojkıdi - 361 teńgeden satyp alýǵa bolady.
Qazaqstan astyq odaǵy makaron ónimderiniń baǵasy áli ósetinin aıtady. Sebebi naryqta shıkizat baǵasy qymbattaǵan. Bıylǵy qurǵaqshylyqqa baılanysty otandyq fermerler de bıdaıdan az ónim alǵan.
