Statýsyńyzdy bir ret teksergennen keıin, statýs kórsetilgen ekrandy smartfonnyń jumys ústeline shyǵaryp, mekemelerge kirýińizdi jeńildetseńiz bolady.
Ol úshin Android negizdi smartfon paıdalanýshylarynyń aldymen Google Play-den Aitu-dy júktep alyp, avtorlanýy qajet. Odan ári «Qoldanbalar» bólimindegi Ashyq qoldanbasyna kirip, onyń joǵarǵy jaǵyndaǵy qoldanba ataýyn, sodan soń «Basty ekranǵa qosý» túımeshigin basý kerek – Ashyq qoldanbasynyń belgishesi jumys ústeline shyǵady.
iOS negizindegi smartfon paıdalanýshylary da dál solaı Aitu-da avtorlanyp, «Qoldanbalar» bóliminen Ashyq-qa kirýleri tıis. Odan soń qoldanbanyń joǵarǵy jaǵyndaǵy qoldanba ataýyn basyp, QR skanerin jabady da, «Bólisý» jáne «Kóshirý» túımeshigin basady – bul áreket arqyly silteme qoldanbanyń ózine kóshiriledi. Sodan keıin siltemeni braýzerge qoıyp, «bólisýdi» basqan soń, «úı ekranyna» túımeshigin tańdaý kerek. Android-paıdalanýshylarmen salystyrǵanda, iOS-paıdalanýshylar smartfonnyń jumys ústelinde paıda bolatyn qoldanbaǵa at qoıa alady.
«Basqa ázirleýshilerdiń kópshiliginde QR-dy skanerleý múmkindigin paıdalanar aldynda avtorlaný qajettigi týyndaıdy. Biz bolsaq, qashanda klıent tájirıbesin jaqsartýǵa tyrysyp, sol baǵytqa barynsha kúsh salamyz. Aitu-da, kez kelgen basqa messendjerdegideı, qoldanbany qaıta paıdalaný kezinde merzimi shekteýsiz avtomatty avtorlaný saqtalady. Iаǵnı, adam telefondy buǵattan shyǵara salysymen, qaıta avtorlanýǵa ýaqyt jumsamaı, qoldanbany birden paıdalana alady. Bul Ashyq servısin paıdalaný kezinde ýaqyt únemdep, mekemelerge kirýdiń jaılyraq bolýyn qamtamasyz etedi», dep túsindirdi BTS Digital kompanııasynyń ónim menedjeri Nursultan Ahmetov.
Aıta keteıik, BTS Digital kompanııasy óziniń Aitu platformasyn Ashyq servısine qoljetimdiliktiń qosymsha alańy retinde alǵashqylardyń biri bolyp usyndy jáne paıdalanýshylarǵa yńǵaılyraq bolýy úshin servısti platformasyna kiriktirdi. Sondaı-aq, kompanııa ázirleýshileri mekemelerdi Ashyq jobasyna tek qana smartfon kómegimen qosý prosesin birinshi bolyp avtomattandyryp, rásimdi aıtarlyqtaı jeńildete tústi. Atap aıtqanda, Digital ID qashyqtan sáıkestendirý servısiniń kómegimen sáıkestendirýdi qamtamasyz ete otyryp, QR-kod alý úshin ESQ-nyń bolý mindettiligin joıdy. Aitu arqyly QR-kodty birden jáne «kúzetshiler» tizimin óńdeı otyra alý múmkindigi paıda boldy.
Ázirleýshilerdiń aıtýynsha, olar áli de bolsa Ashyq servısin paıdalanýdy operasııalar turǵysynan budan da jatyq ete túsýdiń, paıdalanýshyǵa qolaılyraq etýdiń amaldaryn boljamdap, qarastyrýda. Sondaı gıpotezalardyń bir mysaly – Ashyq-tyń ishinde kórinýi úshin vaksınalaý pasportyn qosý nemese Ashyq jobasyna qatysýshy mekemelerdiń jumys ýaqytynyń kartasyn jasaý.
