«Bıyl 1 qazanda Almaty men Nur-Sultanda qylmyskerlerdi ustaý boıynsha arnaıy operasııa júrgizildi, tintý júrgizildi, zattaı aıǵaqtar alyndy», dedi Nurdildá Oraz.
Krımınaldyq polısııa qyzmetkerleri eki qalada erotıkalyq massaj salondarynyń atyn jamylyp jezókshelikpen aınalysatyn topty anyqtaǵan. Onyń uıymdastyrýshylary - О́zbekstan men Qazaqstan azamattary.
«Qylmyskerler «OLX», «SATU», «Telegram áleýmettik jelilerinde jarnama jarııalap, qyzdardy jalaqysy joǵary jumysqa ornalasýǵa shaqyrǵan. Sodan keıin olardy jezókshelikke tartqan. Prıton kottedjderde uıymdastyryldy jáne táýlik boıy, aptasyna jeti kún jumys istegen», dedi Nurdildá Oraz.
Jarııalanǵan aqparatqa sáıkes, kúndelikti tabys top uıymdastyrýshysyna aýdarylyp otyrǵan. Ol aıyna 10-12 mıllıon teńgeni qurady.
Buǵan deıin habarlanǵandaı, Qazaqstanda bir apta ishinde 2877 qylmys jasaldy, onyń 1847-si bir kúnniń ishinde ashylǵan.
«Bir apta ishinde Qazaqstanda 2877 qylmys jasaldy, onyń 1847-si 24 saǵat ishinde ashyldy. Polısııa izdestirý kezinde jeti kisi óltirý, ólimge ákep soqqan eki qasaqana aýyr dene jaraqaty, eki tonaý, 35 qaraqshylyq, 412 urlyqty ashty», dedi resmı ókil.
