Aımaqtar • 04 Qazan, 2021

Atyraý turǵynynan 362 keli bekire tárkilendi

90 ret kórsetildi

Atyraýda 28 jastaǵy turǵynnan 362 keli bekire tárkilendi, dep habarlaıdy Egemen.kz.

Oblystyq polısııa departamenti baspasóz qyzmetiniń málimetine súıensek, qazir «Bekire-2021» jedel profılaktıkalyq is-sharasynyń kúzgi kezeńi ótip jatyr.

«Is-shara kezinde krımınaldyq polısııa basqarmasynyń qyzmetkerleri «VAZ-2114» avtokóligin toqtatyp, tekserý júrgizgen. Tekserý kezinde kóliktiń júk salǵyshynan 20, turǵyn úı aýlasyndaǵy garajdan 84 dana bekire tuqymdas balyqty tárkiledi. 28 jastaǵy kúdiktiden tárkilengen 104 dana bekire tuqymdas balyqtyń salmaǵy 362 kelini qurady», dep habarlady oblystyq polısııa departamentiniń bastyǵy, polısııa polkovnıgi Qamza Úmbetqalıev.

Qazir atalǵan derekke qatysty QR Qylmystyq kodeksi 339-babynyń 2 bóligimen sotqa deıingi tergeý júrip jatyr.

 

 

Sońǵy jańalyqtar

Uqsas jańalyqtar