Endi mundaı ruqsatty «Azamattarǵa arnalǵan úkimet» memlekettik korporasııasy arqyly alýǵa bolady.
Ol úshin kelesi qujattardy usyný qajet:
- QR turaqty turýǵa ruqsat berý týraly ótinish-saýalnama.
- Ulttyq pasporttyń kóshirmesi jáne túpnusqasy, azamattyǵy joq adamnyń qujaty, qoldanylý merzimi ótinish bergen kúni kúntizbelik 180 kúnnen astam. Birlesip júgingen kezde 16 jasqa tolmaǵan balanyń týý týraly kýáliginiń nemese jeke basyn kýálandyratyn basqa qujattyń kóshirmesi jáne túpnusqasy;
- Onyń azamattyǵy bar memlekettiń jazbasha kelisimi, ol retinde ketý paraǵy ne shetelge turaqty turýǵa ketýge ruqsatty rastaıtyn basqa qujat (eger halyqaralyq sharttarda ózgeshe kózdelmese, bosqyn dep tanylǵan nemese QR-da pana berilgen sheteldikter men azamattyǵy joq adamdardy jáne QHR-dan kelgen etnıkalyq qazaqtardy qospaǵanda);
- Etnıkalyq qazaqtardy, Qazaq Keńestik Sosıalıstik Respýblıkasynda nemese Qazaqstan Respýblıkasynda týǵan nemese buryn onyń azamattyǵynda bolǵan burynǵy otandastardy, sondaı-aq Qazaqstan Respýblıkasynyń halyqaralyq sharttary negizinde ońaılatylǵan tártippen Qazaqstan Respýblıkasynyń azamattyǵyn alýǵa quqyǵy bar adamdardy jáne olardyń otbasy múshelerin qospaǵanda, óziniń tólem qabilettiligin rastaý týraly qujat;
- Azamattyǵy tıesililigi nemese turaqty turatyn memlekette sottylyǵy (sottylyǵynyń bolmaýy) týraly tıisti memlekettiń quzyretti organy bergen qujat (eger halyqaralyq sharttarda ózgeshe kózdelmese, QHR azamattarynyń etnıkalyq qazaqtaryn qospaǵanda);
- QR turaqty turýǵa 14 jastan 18 jasqa deıingi balanyń notarıaldy kýálandyrylǵan kelisimi;
- О́tinish berýshige turýǵa turǵyn úı berý jáne turaqty tirkeý esebine qoıý týraly jeke nemese zańdy tulǵamen notarıaldy kýálandyrylǵan shart ne notarıaldy kýálandyrylǵan kelisim;
- Sheteldikter men azamattyǵy joq adamdardyń Qazaqstan Respýblıkasyna kelýine tyıym salatyn aýrýlardyń joqtyǵy týraly sheteldikti medısınalyq kýálandyrý týraly anyqtama ("sheteldikter men azamattyǵy joq adamdardyń Qazaqstan Respýblıkasyna kelýine tyıym salatyn aýrýlardyń tizbesin bekitý týraly"Densaýlyq saqtaý Mınıstrliginiń 2011 jylǵy 30 qyrkúıektegi buıryǵyna sáıkes);
- Kólemi 35h45 mm bir fotosýret;
- Tıisti memlekettiń quzyretti organy bergen basqa memlekettiń azamattyǵynyń joqtyǵy nemese toqtatylǵany týraly anyqtama (jeke basyn kýálandyratyn qujattary joq adam ótinish jasaǵan kezde, týý ne onyń basqa memlekettiń aýmaǵynda turý faktisi anyqtalǵan jaǵdaıda).
- Memlekettik bajdy tóleý nemese ony tóleýden bosatý týraly qujat.
Memlekettik qyzmetterdiń quny - 4 AEK (2021 jyly 11 668 teńge).
Qyzmet kórsetý merzimi - 45 kúntizbelik kún.
Buıryq 2022 jylǵy 1 qańtardan bastap qoldanysqa engiziledi.
