08 Aqpan, 2014

Rýhanı saýyqtyrý – basty baǵdar

133 ret kórsetildi
«Qazirgi ýaqytta din salasyndaǵy memlekettik saıasat Elbasynyń «Qazaqstan-2050» Strategııasynda, sondaı-aq, «Qazaqstan joly – 2050: bir maqsat, bir múdde, bir bolashaq» atty Joldaýynda aıqyndalǵan sheńberde qalyptasýda. Bul strategııalyq qujattarda elimizdiń din salasyndaǵy qazirgi zamanǵy syn-tegeýrinder men qaýip-qaterler de eskerilgen». Keshe «QazMedıa» ortalyǵynda ótken dástúrli brıfıngte Din isteri agenttiginiń tóraǵasy Marat Ázilhanov osylaı dedi. Onyń aıtýynsha, Memleket basshysy aıqyndaǵan Strategııa sheńberinde agenttik aldynda, memleket pen qoǵamnyń aldynda turǵan búgingi basty maqsat – Qazaqstannyń 2050 jylǵa deıingi damýynyń aýqymdy josparyna saı keletin jáne qoǵamnyń zaıyrlylyǵyn eskeretin joǵary rýhanııatty orta qalyptastyrý. Agenttik tóraǵasy 2010 jyly qurylǵan kúninen beri Din isteri agenttigi bul baǵytta birqatar aýqym­dy jumystyń basyn qaıyr­ǵanyn, bul rette basshylyqqa alyn­ǵan basty baǵdar – dinı ahýaldy zerdeleý men baqylaý, dinı birlestiktermen ózara yqpaldastyq ornatý bolǵandyǵyn atap ótti. «Eger 2013 jyly atqarylǵan jumystar jaıyna toqtalatyn bolsam, birinshiden, dinı ahýaldy taldaý jáne baqylaýda ustaý qyzmetiniń sheńberinde elimizde dinı jaǵdaıdyń turaqtylyǵy qamtamasyz etildi. Bul másele boıynsha, dinı ahýaldy zertteıtin arnaıy sarapshylar keńesi quryldy. Byltyrǵy jyly biz birqatar áleýmettik saýaldama júrgizdik. Onyń qorytyndysy boıynsha, oǵan qatysqan azamattardyń 90 paıyzǵa jýyǵy eldegi dinı ahýaldy «qalypty» dep baǵalady. Al dinaralyq qarym-qatynastar salasyndaǵy memlekettik saıasatqa azamattardyń 86 paıyzy qoldaý kórsetip otyr. Bul – óte jaqsy kórsetkish. Bizdiń oıymyzsha, mundaı kórsetkishter din salasynda memleket tarapynan qabyldanyp jatqan sharalardyń pármendiligin kórsetedi», dedi M.Ázilhanov. Din isteri agenttiginiń tóraǵasy din salasyndaǵy ózekti máseleler boıynsha josparly, aýqymdy aqparattyq-túsindirý jumystary júrgizilip jatqanyn da tilge tıek etti. Olardyń deni dinaralyq kelisimdi ary qaraı nyǵaıtýdy maqsat tutypty. «El ishinde aǵartý-túsindirý jumystary boıynsha 500-den astam aqparattyq toptyń jumystary uıymdastyryldy. Al turǵyndardyń dinı saýatyn arttyrý, halyqtyń rýhanı qundylyqtaryn nasıhattaý jáne dinı ekstremızmniń aldyn alý baǵytynda júrgizilgen jumystar 1 mln. 300 myńnan astam adamdy qamtydy. Sonymen qatar, BAQ-ta 7 myńnan astam aqparattar men jarııalanymdar jaryq kórdi. О́ńirlerde ózekti máselelerge arnalǵan 9 respýblıkalyq kon­ferensııa ótkizildi. Olar «Tablı­ǵı jamaǵat», «Jastar jáne din», «Din jáne patrıotızm», «Islam jáne jıhadızm», «Islam ter­rorızmge qarsy» degen taqy­ryp­tarda uıymdastyryldy. Konferensııalardyń nátıjesinde arnaıy úndeýler qabyldandy. Olardyń basty maqsaty – dinı radı­kalızm men ekstremızmdi aıyptaý, memlekettiń din salasynda júrgizip otyrǵan sharalaryna qoldaý kórsetý», dep túıdi bul jóninde Din isteri agenttiginiń tóraǵasy. Brıfıng barysynda M.Ázil­ha­nov, sondaı-aq, elimizde 3 jyldan beri ótkizilip kele jatqan Din­tanýshylar kongresiniń mańyzyna toqtaldy. Onyń pikirinshe, bul basqosý sarapshylardyń únqatysý alańyna aınalǵan. «Byltyr qarasha aıynda «Zaıyrly memlekettegi dinniń róli» degen taqyryp qaraldy. Sonymen qatar, Din isteri agenttigi úkimettik emes uıymdarmen de ózara tyǵyz qarym-qatynasta. Máselen, biz ÚEU-men arnaıy keńes qurdyq. Solarmen birlesip, ótken jyldyń sońynda «Din jáne azamattyq qoǵam» degen taqyrypta konferensııa uıymdastyrdyq», dedi ol. Din isteri agenttiginiń tóraǵasy Qazaqstannyń din salasyndaǵy zańnamasynyń múltiksiz oryndalýyn qamtamasyz etý de agenttik nazarynda turǵanyn jetkizdi. «Din qyzmeti jáne dinı birlestikter týraly» Zańnyń orny erekshe. Jalpylama alǵanda, dinı birlestikter men dinı sýbektilerdiń jumystaryna qatysty barlyq erejeler tártipke keltirildi. Din isteri agenttigi dinı saraptama jumystaryn ótkizýdi jalǵastyryp keledi. Sońǵy 3 jylda 24 myńǵa jýyq dinı ádebıetke saraptama jasaldy. Al byltyrǵy jyly 2 myńnan astam aqparattyq materıaldar súzgiden ótip, sarapshylar olardyń ishindegi 125 aqparattyń mazmunynda destrýktıvti ıdeıalardyń bar ekenin anyqtady. Buǵan qosa, dinı ádebıetterdi jáne dinı mazmundaǵy ózge de aqparattyq materıaldardy taratýǵa arnalǵan 235 arnaıy stasıonarlyq oryndar belgilendi», dedi agenttik tóraǵasy. Tirkeýden ótpegen dinı birlestikterdiń jumysyna tosqaýyl qoıylypty. Dinı sýbektilerdiń arasynda birqatar zań buzýshylyqtar oryn alǵany da ataldy. Biz olarǵa túsindirý jumystaryn júrgizdik», dedi ol bul rette. M.Ázilhanov, sondaı-aq, Din isteri agenttigi men Qazaqstan musylmandar dinı basqarmasy ózara kelisimge qol jetkizgenin, bul qujatta eki taraptyń barlyq qarym-qatynas baǵyttary bekitilgenin atap ótti. Sonymen qatar, ol Din isteri agenttiginiń aldynda turǵan mańyzdy mindetterdiń biri dinı ekstremızmniń aldyn alý bolǵandyqtan, qazirgi tańda bul baǵytta arnaıy memlekettik baǵdarlama júzege asyrylyp jatqanyn, ondaǵy is-sharalar shoǵyrynyń bir bóligi agenttikke tikeleı tıesili ekenin jetkizdi. Láıla EDILQYZY, «Egemen Qazaqstan». 
Sońǵy jańalyqtar

Syılyq ıeleri jarııa etildi

Fýtbol • Búgin, 08:58

Rahmanberdiniń qustary

Aımaqtar • Búgin, 08:51

Baltyq jaǵalaýyndaǵy báseke

Sport • Búgin, 08:42

Qazaq bıine qumartqan qyz

О́ner • Búgin, 08:40

Irikteý jarystary aıaqtaldy

Qysqy sport • Búgin, 08:37

О́ńirde baǵa baılaýǵa kónbeı tur

Aımaqtar • Búgin, 08:33

Kúrdeli jóndeýdi qajet etedi

Aımaqtar • Búgin, 08:30

Úshinshi chempıonattan úmitimiz kóp

Fýtbol • Búgin, 08:28

Táýelsizdik tusynda túgendelgen mura

Qazaqstan • Búgin, 08:27

О́simdik maıyn óndire almaımyz ba?

Qazaqstan • Búgin, 08:22

Eki aýylǵa gaz jetti

Aımaqtar • Búgin, 08:20

Keshendi jospar – turaqtylyq kepili

Ekonomıka • Búgin, 08:18

Aqyldy Úkimet halyqty ashyndyrmaıdy

Qazaqstan • Búgin, 08:11

Halyq senimine syzat túspeýi kerek

Qoǵam • Búgin, 08:07

Sot segiz myńnan astam is qaraǵan

Qazaqstan • Búgin, 08:04

Ortaq energetıkalyq naryq qurylady

Úkimet • Búgin, 08:02

«Omıkron» órship barady

Koronavırýs • Búgin, 08:00

Ulttyq bolmysty bederlegen

Qoǵam • Keshe

Esimnen ketpes eki etıýd

Rýhanııat • Keshe

Besinshi element

О́ner • Keshe

Aqadyrdyń aqjoltaıy

Sport • Keshe

Qara qazanda qasıet bar

О́ner • Keshe

Uqsas jańalyqtar