Bul týraly Energyprom.kz saıty jazady.
Bıyl tamyzdaǵy qorytyndy boıynsha, jazǵy dızel otynynyń baǵasy jylyna 8,1 paıyzǵa - lıtrine 199 teńgege deıin ósken.
Qostanaı (14,1 paıyzǵa), Batys Qazaqstan (11,9 paıyzǵa) jáne Soltústik Qazaqstan (10,6 paıyzǵa) oblystarynyń turǵyndaryna qymbatshylyq qıyndyq týdyrdy. Baǵanyń eń az ósýi Shyǵys Qazaqstan oblysynda tirkeldi (jylyna 5,8 paıyzǵa).
2021 jyldyń qańtar-tamyzynda elimizde 3,4 mıllıon tonna dızel otyny óndirildi, bul byltyrǵymen salystyrǵanda 8,2 paıyzǵa kóp. Eń iri óndiris kólemi Pavlodar (1,3 mıllıon tonna, jylyna 25,3 paıyz) jáne Atyraý (1 mıllıon tonna, plıýs 1,3 paıyz) oblystarynda. 2020 jyly respýblıkada otyn óndirý 7,1 paıyzǵa, 4,7 mıllıonǵa tómendedi.
О́ndiris kólemi ósýine qaramastan, respýblıkada dızel otyny jetispeýshiligi baıqalady. Energetıka vıse-mınıstri Áset Maǵaýov Ortalyq kommýnıkasııalar qyzmetinde ótken brıfıngte bıyl dızel otynyn óndirý kólemi 4,9 mıllıon tonnaǵa jetetinin, bul joǵary kórsetkish ekenin, biraq suranys ta soǵan saı rekordtyq kórsetkishte ekenin aıtty.
«Bizdiń eseptýimiz boıynsha, suranys aıyna shamamen 50-60 myń tonnaǵa ósti. Qansha dızel óndirsek te, suranys ósip jatyr. Mamyr-qyrkúıekte dızel otynyna suranys 2019 jylmen salystyrǵanda 260 myń tonnaǵa jáne byltyrmen salystyrǵanda 480 myń tonnaǵa ósti. Tamyzda 519 myń tonna dızel otyny jumsaldy. Buryn mundaı bolmaǵan. Qor azaıyp jatyr. Dızel otynyn eksporttaý naýryzda, benzın qańtarda toqtatyldy», dedi vıse-mınıstr.
Qazaqstandyq otyn óte arzan, sondyqtan shekara mańyndaǵy óńirlerde de satylyp jatyr.
«Bizdiń baǵalaýymyz boıynsha, negizgi sebep dızel otyny baǵasynyń aıtarlyqtaı aıyrmashylyǵynan bolyp otyr. Iri JQS-de shamamen lıtrine 207-208 teńge, qalǵan jelilerde - 230-240 teńge. Jyl basynan beri lıtrine 200 teńge boldy. Salystyryp qarasaq, Reseı Federasııasymen lıtrine 100 teńgege, О́zbekstanmen - 70-80 teńgege, Qyrǵyz Respýblıkasymen - 61 teńgege aıyrmashylyq bar. Sonymen qatar, tranzıttik aǵymdar Qazaqstan shekaralarynda janarmaı quıyp alýǵa tyrysady», dep túsindirdi Maǵaýov.
PMHZ-daǵy jóndeýge baılanysty janarmaı Reseıden jetkiziledi. Importtalatyn gazoıl baǵasy Reseı Federasııasyndaǵy kóterme baǵaǵa baılanysty bolady.
Eske salaıyq, dızel otyny tapshylyǵy kóptegen óńirlerde baıqaldy, dızel tek talon boıynsha berildi. Tapshylyqqa baılanysty Pavlodar oblysynda MHZ jóndeý jumystary keıinge qaldy.
