Parlament • 07 Qazan, 2021

QR Parlamenti TMD qarýly kúshteriniń baılanys júıesi týraly zań qabyldady

84 ret kórsetildi

Parlament Senatynyń jalpy otyrysynda «Táýelsiz Memleketter Dostastyǵyna qatysýshy memleketter qarýly kúshteriniń birlesken baılanys júıesi týraly kelisimdi ratıfıkasııalaý týraly» Zańy qabyldandy, dep habarlaıdy Egemen.kz.

TMD-ǵa qatysýshy memleketter qarýly kúshteriniń birlesken baılanys júıesi týraly kelisim 2020 jylǵy 29 mamyrda jasaldy.

Onyń negizgi mindetteri: - qarýly kúshter basqarý júıesinde jáne qarýly kúshter arasynda talap etiletin baılanys qyzmetterin usyný ári aqparattyń barlyq túrlerimen almasýdy qamtamasyz etý;

- Táýelsiz Memleketter Dostastyǵy formatynda qurylǵan áskerı saladaǵy ózara is-qımyldyń birikken júıeleriniń jumys isteýin qamtamasyz etý;

- baılanysqa, ortaq paıdalanylatyn ulttyq baılanys jelileri men arnaıy maqsattaǵy baılanys jelilerimen qajetti úılesimdilikke qoıylatyn talaptardyń oryndalýyn qamtamasyz etý.

«О́kiletti organ óz memleketiniń zańnamasyna sáıkes, Birlesken baılanys júıesiniń jumys isteýin qamtamasyz etý maqsatynda óziniń baılanys jelisi resýrsyn paıdalana alady. Biryńǵaı tehnıkalyq tásil, qazirgi zamanǵy áskerı tehnıkamen, baılanys jabdyǵymen basym túrde jaraqtandyrý negizinde qurylatyn Birlesken baılanys júıesi memleketter qarýshy kúshteriniń jaýyngerlik qabiletin arttyrady», dedi QR Qorǵanys mınıstriniń orynbasary Daryn Tuıaqov.

О́z kezeginde senator Nurjan Nursıpatov Kelisim Qazaqstan Respýblıkasynyń Konstıtýsııasyna, Qazaqstan Respýblıkasynyń zańnamasyna, Qazaqstan ratıfıkasııalaǵan halyqaralyq sharttarǵa jáne Qazaqstan qatysýshysy bolyp sanalatyn halyqaralyq uıymdardyń sheshimderine qaıshy kelmeıtinin aıtty.

 

 

Sońǵy jańalyqtar

Uqsas jańalyqtar