Medısına • 07 Qazan, 2021

Elordalyqtar MÁMS-ke 30,5 mlrd teńgege jýyq jarna aýdarǵan

42 ret kórsetildi

«Jyl basynan beri, ıaǵnı 2021 jyldyń qańtar-qyrkúıek aılary aralyǵynda MÁMS úshin elordalyqtardan 30,5 mlrd teńgege jýyq jarna aýdarymdary túsken. Al osy jyldyń qyrkúıek aıynda medısınalyq saqtandyrý úshin  3,6 mlrd teńge aýdardy», dep habarlaıdy Egemen.kz Áleýmettik medısınalyq saqtandyrý qorynyń elorda fılıalynyń baspasóz qyzmetine silteme jasap.

Nur-Sultan qalasy boıynsha 2017 jyldyń 1 shildesi men 2021 jyldyń 30 qyrkúıegi aralyǵynda medısınalyq saqtandyrý úshin jınaqtalǵan jarnanyń jalpy somasy 88,5 mlrd teńgeni qurady.

«2021 jyldyń qyrkúıek aıynda medısınalyq saqtandyrý úshin elordalyqtar 3,6 mlrd teńge jarna aýdarǵan. Onyń ishinde jumys berýshilerdiń aýdarymdary 1,7 mlrd teńge, al jeke kásipkerlerden túsken jarna – 1,9 mlrd teńge. Osy jylǵy 30 qyrkúıektegi jaǵdaı boıynsha 14 223 adam biryńǵaı jıyntyq tólem (BJT) boıynsha MÁMS-ke jarna tólegen.

«Mindetti áleýmettik medısınalyq saqtandyrý úshin túsken barlyq jarna aýdarymdary, ıaǵnı jınaqtalǵan qarjy, senimgerlik basqarý týraly jasalǵan kelisimshartqa sáıkes, Ulttyq bankte saqtalady da, medısınalyq qyzmetter aqysyn tóleýge jumsalady. TMKKK jáne MÁMS paketteri boıynsha halyqqa kórsetilgen medısınalyq qyzmetterdiń sapasy men kólemine monıtorıng jasap, teksergennen keıin ǵana Qor jetkizýshilerine tólem júrgiziledi», deıdi «Áleýmettik medısınalyq saqtandyrý qory» KEAQ Nur-Sultan qalasy boıynsha fılıalynyń dırektory Nurlybek Qabdyqaparov.

Medısınalyq saqtandyrý qory pasıentter quqyǵyn qorǵaıdy. Qandaı da bir suraqtar týyndaǵan jaǵdaıda:  

Qoldau 24/7 mobıldi qosymshasy
@saqtandyrybot telegramboty
1406 baı̆lanys ortalyǵy
Qordyń fms.kz saı̆ty

Kórsetilgen keri baı̆lanys arnalary arqyly Qorǵa habarlasýǵa bolady. Áleýmettik medısınalyq saqtandyrý qory  ótinishińizdi qarap, tıisti shara qabyldaıdy.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar