Oqıǵa • 07 Qazan, 2021

Talǵarda eks-ákimniń soty ótip jatyr

95 ret kórsetildi

Almaty oblysy Talǵar aýdanynyń para aldy degen kúdikke ilingen burynǵy ákimi Serikjan Erekeshevtiń soty ótip jatyr, dep habarlaıdy Egemen.kz.

Qylmystyq is sotqa shildeniń sońynda kelip túsken. Talǵar aýdandyq sotynyń sýdıasy Erkebulan Kelimseıitov sot talqylaýyn 5 tamyzǵa taǵaıyndaǵan. Osy ýaqyttan bastap sot otyrystary jalǵasyp jatyr, sońǵy sot otyrysy 6 qazanda ótti.

Sottalýshylar arasynda aýdannyń burynǵy basshysy Serikjan Erekeshevten basqa TKSh bólimi basshysy Asqar Shamaev ta bar. Olar aldyn ala sóz baılasý deregi boıynsha para aldy degen kúdikke ilingen. Bul aıypty Talǵar aýdandyq prokýratýrasynyń prokýrory Damır Darhanbaev taqqan.

«Sottalýshylar Erekeshev pen Shamaev Qylmystyq kodekstiń 366-baby 3-bóliginiń 2-tarmaǵynda kózdelgen qylmysty jasady dep aıyptalyp jatyr. Bul aýyr qylmysqa jatady. Bul isti ýaqytsha toqtatýǵa,  prokýrorǵa joldaýǵa esh negiz joq. Sotqa deıingi tergeý barysynda sot talqylaýyn taǵaıyndaýǵa kedergi keltiretin qylmystyq is júrgizý zańyn buzýǵa jol berilgen joq», delingen sýdıa Kelemseıitovtyń qaýlysynda.

Onyń aıtýynsha, aıyptaý aktisiniń kóshirmesi sottalýshyǵa ýaqytyly berilgen. Sondaı-aq, Erekeshevke qatysty úı qamaq túrindegi bultartpaý sharasy, Shamaevqa qatysty eshqaıda ketpeý jáne tıisti minez-qulyq týraly qolhat túrindegi jaza berilgen.

«Advokat tarapynan qylmys quramynyń bolmaýyna baılanysty Erekeshevke qatysty qylmystyq isti qysqartý týraly ótinish tústi. Sot ony qarap, ótinish qanaǵattandyrýsyz qaldyrylýy kerek dep sanady. О́tinishhatta kórsetilgen dálelder negizsiz jáne basty sot talqylaýynda qaralady. Sottalýshylarǵa qatysty tańdalǵan bultartpaý sharalaryn ózgertýge negiz joq»,  delingen qaýlyda.

Eske salaıyq, bıyl aqpannyń basynda 48 jastaǵy Serikjan Erekeshevtiń ustalǵany belgili boldy. Onyń orynbasary men 38 jastaǵy TKSh bóliminiń basshysy Asqar Shamaevtyń da ustalǵany habarlanǵan bolatyn. Sheneýnikterdi oryndalǵan jumystar aktisine qol qoıǵany úshin merdiger uıym dırektorynan 10 mıllıon teńge para aldy degen kúdikke ilingen.

 

 

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar