Kezdesýde taraptar sý sharýashylyǵy salasyndaǵy yntymaqtastyq máselesin talqylady. Serikqalı Brekeshev bul baǵytta eki el arasyndaǵy túsinistik arqasynda oń nátıjege qol jetkizý múmkin bolǵanyn atap ótti.
«Bıyl Shý jáne Talas ózenderiniń basseınderindegi sýdyń azdyǵyna qaramastan, qyrǵyz áriptesterimizben birlesken is-qımyldardyń arqasynda vegetasııalyq kezeńdi úlken shyǵynsyz aıaqtaı aldyq», dedi Mınıstr.
Sondaı-aq taraptar janýaralar álemi, orman taqyrybynda da pikir almasty. Dastan Dıýshekeev qaraquıryq popýlıasııasyna qatysty jáne shekara mańy aýmaqtaryndaǵy órt taqyrybyn kóterdi. Aldaǵy ýaqytta bul máseleni tolyq talqylap, eki jaqty oń sheshimge qol jetkiziletinine senim bildirdi.
