Bul týraly FinProm málimdedi.
Eldiń ındeksi - 46,23. Bul reıtıngte upaı neǵurlym joǵary bolsa, soǵurlym el qaýipsiz bolady.
Memlekettiń ındeksi 20-dan tómen bolǵan jaǵdaıda, eldegi qaýipsizdik deńgeıi óte tómen bolyp sanalady, 20-dan 40-qa deıingi arylyq «tómen», 40-tan 60-qa deıin «ortasha», 60-tan 80-ge deıin «joǵary», 80-nen joǵary «óte joǵary» degendi bildiredi.
TMD elderi arasynda: Armenııa ˗ 10-oryn, Ázerbaıjan ˗ 34-oryn, О́zbekstan ˗ 37-oryn, Reseı ˗ 52-oryn, Moldova ˗ 76-oryn, Ýkraına ˗ 81-oryn. Qyrǵyzstan men Belarýstiń kórsetkishi Qazaqstannan tómen ekenin kórýge bolady.
Álemdegi eń qaýipsiz elderdiń úzdik úshtigine Katar, Birikken Arab Ámirlikteri men Taıvan enip otyr. Tiziminiń sońynda Venesýela tur.
Aıta keterligi, jyl basynan beri elimizde 114 myńǵa jýyq qylmystyq quqyq buzýshylyq tirkeldi, onyń 29 myńy aýyr jáne asa aýyr sanatqa jatady. Bul kórsetkish byltyrǵy deńgeımen shamalas.
Qylmystyq jaǵdaıdyń basym bóligi Almaty qalasynda tirkelgen (18,1 myń oqıǵa). Qyzyl aımaqqa elorda, (11,6 myń quqyq buzýshylyq) Almaty oblysy (10,8 myń quqyq buzýshylyq) enip otyr.
Qylmystyq oqıǵa Qyzylorda oblysynda az tirkelgen (2,5 myń oqıǵa).
Elde kóbine urlyq (38,7 myń is), alaıaqtyq (29 myń is), usaq urlyq (7,8 myń is), esirtki men psıhotroptyq zattardy satý, zańsyz óńdeý (4 myń), jol qozǵalysy erejelerin buzý (2,3 myń jaǵdaı) tirkelgen.
