Alekseı Soı shekteýli sıpattaǵy nemese belgili bir qundylyǵy bar qujattarǵa silteme bolǵan jaǵdaıda árdaıym jalǵan táýekelder bar ekenin aıtty.
«Biz bul máseleni birinshi bolyp qolǵa aldyq. 90-nan astam qylmystyq is qozǵaldy. Olardyń jartysynan kóbi jalǵan PTR testileri, qalǵandary vaksınasııa pasporttaryn jasaýmen baılanysty boldy. Mundaı jaǵdaılardyń árqaısysy sot sheshimi bolǵan kezde qarastyrylady, osy jalǵan qujattardyń barlyǵy bazadan shyǵarylady. Iаǵnı, árbir jaǵdaı qaralady, biz ony qatań qadaǵalaımyz», dep atap ótti mınıstr.
Onyń aıtýynsha, aldyn alý sharasy retinde árbir vaksınasııa kabınetinde beınebaqylaý kameralary ornatylǵan.
«Biz halyqqa bul ózin-ózi aldaý ekenin túsindirýge tyrysamyz. Qaǵaz satyp alý ınfeksııadan qorǵamaıdy. Jumysty júrgizip jatyrmyz», dep túıindedi Densaýlyq saqtaý mınıstri.
