Osynyń aldynda ǵana óz muz aıdynynda ótkizgen eki kezdesýde Ombynyń «Avangard» (1:0) jáne Sankt-Peterbýrgtyń SKA (3:0) klýbtaryn qapy qaldyryp, óz jankúıerlerin qýantqan jerlesterimizdiń bul joly «Aq Barsqa» áli jetpedi. Birinshi kezeń bastalǵan bette Krıstıan Henkel men Dmıtrıı Kagarlıskıı qatarynan eki ret nysanany dál kózdep, tatarstandyq komandany alǵa shyǵardy. 6-mınýtta Iаkob Berglýnd esep aıyrmashylyǵyn qysqartty. Sol kezde bas-aıaǵy bir mınýt aralyǵynda jyldam soǵylǵan eki shaıbany kezdeısoqtyqqa balap ta úlgerdik. Biraq bunymyz beker eken. Odan keıin Nıkolaı Kovalenko (24-mınýt), Kırıll Panıýkov (28-mınýt), Danıs Zarıpov (32-mınýt) bir-bir márte mergendik tanytsa, Kagarlıskıı (39-mınýt) dýbl avtory atandy. «Barystyń» oıynshylary arasynan tek Valerıı Orehov (31-mınýt) pen Egor Shalapov (41-mınýt) gol soǵýǵa jarady. Nátıjesinde 3:6 esebimen aıdyn ıeleri jeńilis tapty.
Qazirgi kezde 16 kezdesýden keıin 14 upaı jıǵan «Barys» turaqty birinshiliktiń jarys kestesinde 15-oryndy qanaǵat tutýda. О́ziniń kelesi kezdesýin olar 13-qazanda syrtta «Avangardqa» qarsy ótkizedi.
