Seısenbi kúni antısıklon respýblıkanyń batys jartysyna áserin saqtaıdy, sondyqtan kún ashyq bolady.
Shyǵysta óńirdiń birshama bóliginde qar, jańbyr jaýýy yqtımal. Al elimizdiń ońtústik-batysynda, soltústiginde jel kúsheıedi, ońtústik-batysynda shańdy daýyl turady, soltústiginde, shyǵysynda, ońtústik jartysynda jáne ortalyǵynda tuman túsip, soltústiginde – kóktaıǵaq, jaıaý burqasyn bolady.
Soltústik Qazaqstan oblysynda jel 15-20 m/s kúsheıedi, oblystyń soltústiginde, batysynda – kóktaıǵaq, jaıaý burqasyn.
Túnde jáne tańerteń Aqmola oblysynyń ońtústik-shyǵysynda tuman túsedi, kóktaıǵaq, tańerteń jáne kúndiz soltústiginde jeldiń kúsheıýi 15-20 m/s deıin kútiledi.
Shyǵys Qazaqstan oblysynyń soltústiginde, ortalyǵynda, Qaraǵandy oblysynyń soltústiginde jáne batysynda tuman túsedi, oblystardyń shyǵysynda jáne ońtústik-shyǵysynda jeldiń jyldamdyǵy 15-20 m/s jetedi.
Kúndiz Qyzylorda oblysynyń ortalyǵynda, Mańǵystaý oblysynyń ońtústik-shyǵysynda, Atyraý oblysynyń ońtústik-batysynda jeldiń ekpini 15-20 m/s jetedi, shańdy daýyl soǵýy múmkin. Jambyl oblysynyń shyǵysynda jáne taýly aýdandarynda tuman kútiledi, oblystyń ońtústik-batysynda, soltústik-shyǵysynda jáne taýly aýdandarynda jel 15-20 m/s kúsheıedi.
Almaty oblysynyń soltústiginde tuman, shyǵysynda jeldiń jyldamdyǵy 15-20 m/s jetedi.
Kúndiz Túrkistan oblysynyń taýly aýdandarynda jel 15-20 m/s kútiledi. Túnde Qostanaı oblysynyń soltústik-shyǵysynda tuman túsedi, Pavlodar oblysynyń túnde ońtústiginde, kúndiz soltústiginde kóktaıǵaq bolady.
