Qazaqstannyń oıynshylary arasynan bul mejege tek Iýlııa Pýtınseva ǵana jetken edi. Alǵashqy aınalymdarda germanııalyq Andrea Petkovıch pen óziniń otandasy Elena Rybakınany jolynan yǵystyrǵan Pýtınseva úshinshi kezeńde latvııalyq Elena Ostapenkomen kezdesti. 24 jastaǵy Baltyq jaǵalaýynyń ókili 2017 jyly Rolan Garrostyń jeńimpazy atanyp, 2018 jyly Ýımbldonnyń jartylaı fınalyna deıin jetken. WTA týrnırlerinde tórt ret top jardy. Osy tabysynyń arqasynda ol álemniń besinshi raketkasy atandy. Qazirgi kezde Elena úzdikter tiziminde 29-oryndy ıelenýde. О́kinishke qaraı, osyndaı myqty tennısshige Iýlııanyń áli jetpedi. Bul tartys 6:3, 2:6, 6:3 esebimen Ostapenkonyń paıdasyna sheshildi.
Esterińizge sala keteıik, 17 qazanǵa deıin sozylatyn Indıan-Ýellstegi jarys álemdegi kóptegen myqty tennısshiniń basyn qosty. Onyń júlde qory 8 359 455 dollardy qurap otyr.
