«Aqshaly emes faktorlardy turaqtandyrý úshin úkimet ákimdermen birge 2021 jyly qyrkúıekte ınflıasııaǵa qarsy sharalar engizdi. Nátıjesinde áleýmettik mańyzy bar azyq-túlik taýarlary baǵasynyń jıyntyq ósimi tamyzda 10,4 paıyzdan 9,6 paıyzǵa deıin tómendedi. Biraq qazannyń alǵashqy aptasyndaǵy qorytyndy boıynsha baǵa jyl basynan beri 9,9 paıyz boldy», dedi Ulttyq bank basshysy úkimet otyrysynda.
Ol áleýmettik mańyzy bar azyq-túlik taýarlary baǵasynyń ósýine jumyrtqa, taýyq eti, qyryqqabat, qant jáne sıyr eti qymbattaýy áser etkenin aıtty.
«Qyrkúıekte dızel otyny 3,8 paıyzǵa qymbattady, keıbir aımaqtarda 10 paıyzdan asty. О́ndiris ulǵaıýyna, sondaı-aq, eksporttyń toqtaýyna qaramastan, dızel otyny tapshylyǵy baıqalady, bul ınflıasııalyq qysymdy arttyrady jáne basqa taýarlarǵa janama áser etedi. Jyldyq ınflıasııa 17 aımaqtyń 13-inde tez ósti, al 6 aımaqta 9 paıyzdan asty», dedi Dosaev.
Ulttyq bank málimetinshe, aımaqtyq naryqtaǵy baǵany turaqtandyrý jáne taýar tapshylyǵyn boldyrmaý 2021 jyly ınflıasııany tejeýdiń negizgi faktorlary bolady.
