Elbasy • 12 Qazan, 2021

Nazarbaev AО́SShK syrtqy ister mınıstrlerine úndeý joldady

444 ret

kórsetildi

1 mın

oqý úshin

Qazaqstannyń Tuńǵysh Prezıdenti Nursultan Nazarbaevtyń úndeýin Azııadaǵy ózara yqpaldastyq jáne senim sharalary jónindegi keńes jınalysynda Syrtqy ister mınıstriniń orynbasary Aqan Rahmetýllın tanystyrdy, dep habarlaıdy Egemen.kz.

Gaýhar QAPASh

Nazarbaev AО́SShK syrtqy ister mınıstrlerine úndeý joldady

Qazaqstan AО́SShK-ge bıyl birinshi ret tóraǵalyq etti. Kezdesý Nur-Sultanda ótip jatyr, ózge elderdiń spıkerleri beınebaılanys arqyly qatysady.

«Keler jyly AО́SShK shaqyrý týraly Qazaqstannyń bastamasyna 30 jyl tolady. Osy ýaqyt ishinde ár memlekettiń eleýli úlesiniń arqasynda kezdesý ótkizilip, mańyzy men ózektiligin dáleldedi. Qazir AО́SShK - biregeı qurylym, ol - memleketterdiń saıası jaqyn bolýyna, Azııada qaýipsizdik pen turaqtylyq ornaýyna, kelissózder mehanızmi arqyly kontınenttiń eń ózekti máselelerin sheshýge jáne kópjaqty kózqaras qoldanýǵa baǵyttalǵan yntymaqtastyq», dedi Nazarbaev.

Elbasy sózinde keńes Azııanyń 90 paıyzy, álem halqynyń jartysy, álemdik JIО́-niń 50 paıyzynan astamy bolatyn, jahandyq ekonomıkanyń ósýiniń úshten eki bóligin qamtamasyz etetin 27 memleket qatysatynyn aıtty.

«Azııa búginde ekonomıkalyq, adamı jáne tabıǵı áleýeti áli de paıdalanylmaǵan, alaıda ekonomıkalyq ósýi jaǵynan qarqyny joǵary álemdik reıtıngte birinshi orynda tur. Azııa - bizdiń ortaq úıimiz. Biz onyń jaǵdaıyna, máselelerin sheshýge tikeleı jaýaptymyz», dep atap ótti Qazaqstannyń Tuńǵysh Prezıdenti.

Onyń aıtýynsha, AО́SShK keńistiginde shıelenis oshaqtary men turaqsyz aımaqtar, aýmaqtyq daýlar men ıadrolyq qarýsyzdaný máseleleri, terrorızm men ekstremızm aımaqtary áli de qalyp otyr.

«Azııa memleketteri beıbitshilikte, barlyq basqa memlekettermen yntymaqtastyqta ómir súrýge jáne damýǵa laıyq», dep qorytyndylady Nursultan Nazarbaev.