Koronavırýs • 12 Qazan, 2021

Elordada balalar arasynda KVI juqtyrǵandar kóbeıdi

62 ret kórsetildi

Nur-Sultanda qyrkúıekte balalardyń koronavırýspen aýyrýy jıileı túsken. Bul týraly Nur-Sultan qalasynyń bas memlekettik sanıtarlyq dárigeri Sarhat Beısenova aıtty, dep habarlaıdy Egemen.kz.

Onyń aıtýynsha, qaladaǵy epıdemıologııalyq jaǵdaı turaqsyz. Qala áli de «qyzyl» aımaqta.

«Qalada táýligine 200-280 jańa jaǵdaı tirkeledi. Qyrkúıekte tamyzben salystyrǵanda kórsetkish 3,5 esege tómendegen. Qyrkúıekte aýrý juqtyrǵan balalardyń úlesi 16 paıyzdan 24,3 paıyzǵa ósti. Jasóspirimderde 2,5 paıyzdan 5,4 paıyzǵa deıin ósken. Aýyrǵan balalardyń úlesi 2,3 paıyzdan 20 paıyzǵa deıin ósti. Oqý jyly bastalǵaly 2232 mektep oqýshysy aýyrdy. Bul jalpy aýyrǵandardyń 19,6 paıyzy jáne jalpy mektep oqýshylarynyń 1 paıyzy bolady. Onyń ishinde 642 mektep oqýshysy oqý jyly bastalǵanǵa deıin aýyrǵan, 1590 oqýshy oqý bastalǵannan keıin aýyrǵan», dedi Beısenova brıfıngte.

Sanıtarlyq dárigerdiń aıtýynsha, jaǵdaı qaladaǵy 125 mekteptiń 1237 synybynda tirkelgen. 1526 oqýshy emdelip, mektepke oralǵan.
 
«Qazir 88 mekteptiń 303 synybynda karantın sharalary jalǵasyp jatyr. Aýyratyndardyń eń kóbi 3-8 synyp oqýshylary arasynda baıqalady, bul - 963 jaǵdaı nemese mektep oqýshylarynyń arasynda aýyrǵandardyń 43 paıyzy», dep qosty Sarhat Beısenova.
Sońǵy jańalyqtar

Almaty qalpyna keltirilýde

Aımaqtar • Keshe

Dalanyń dara kúıshisi

О́ner • Keshe

Uqsas jańalyqtar