Marapattaý rásiminde sóz alǵan KSRO halyq ártisi, Memlekettik syılyqtyń laýreaty, baıqaýdyń qazylar alqasynyń tóraǵasy Bıbigúl Tólegenova aıtýly is-sharanyń mazmundy ótkendigin aıta kelip: «Bizge úzdikterdi tańdaý ońaı bolǵan joq, degenmen eń myqty oryndaýshy jeńiske jetti. Endi jańa juldyzdar álemniń ozyq sahnalarynda elimizdiń atyn shyǵarady dep senemin. Baıqaýdyń qalyptasýyna Elbasynyń orasan zor qoldaýy boldy. Búginde oǵan joǵarǵy deńgeıde kóńil bólinýde. Memleket basshysy Qasym-Jomart Toqaev óz hatynda baıqaý qatysýshylaryna júrekjardy tilegin arnady. Menińshe, bul barshamyzdy odan saıyn shabyttandyra túsedi. Mádenıet jáne sport mınıstrligine de rızashylyǵymdy bildiremin!» dedi halqymyzdyń kúmis kómeı ánshisi.
Aıta keteıik, eki kezeńnen turǵan halyqaralyq baıqaýǵa qatysýǵa elýden astam úmitker ótinim berse, olardyń basym bóligi Qazaqstan, Reseı, Qyrǵyzstan, Bashqurtstan jáne О́zbekstannan kelip túsken.
Birinshi syılyqty – Reseıden kelgen Gabrıel De-Rel men ózbekstandyq Atabek Nazırov jáne jerlesimiz Álıhan Zeınolla alsa, ekinshi syılyqty – qazaqstandyq Ulpan Áýbákirova, Ásem Áýbákirova jáne О́zbek elinen kelgen Azıza Mýhamedova ıelendi.
Sondaı-aq «Astana Opera» teatry Dinmuhamed Kóshkinbaev pen Ásem Áýbákirovaǵa Astana Opera halyqaralyq opera akademııasynda aı saıynǵy stıpendııamen oqýǵa arnalǵan sertıfıkatyn tabys etti.
