ShQO Densaýlyq saqtaý basqarmasy baspasóz qyzmetiniń málimetine súıensek, búginde óńir jurtshylyǵynyń 78,9 paıyzy koronavırýsqa qarsy ekpeniń 1-shi komponentin saldyrdy.
Al halyqtyń 64,9 paıyzy vaksınanyń eki komponentin tolyq alǵan. Oblysta halyqqa vaksına saldyrý kórsetkishi boıynsha Úrjar (99,1%), Aıagóz (99,1%) jáne Besqaraǵaı (98,9%) aýdandary kósh bastap tur. Al eń sońǵy orynda – Shemonaıha aýdany (66,2%).
«2021 jyldyń sońyna deıin aımaqqa Pfizer vaksınasy jetkiziledi. Alaıda ázirge naqty qansha doza ekeni belgisiz. Bul vaksına óte sýyq temperatýrada saqtalýy kerek. Sondyqtan ekpeni О́skemen men Semeıdegi Qan ortalyqtarynyń muzdatqyshtaryna ornalastyrý kózdelip otyr», delingen habarlamada.
