ANTIKOR • 13 Qazan, 2021

Bıýdjet qarjysyn jymqyrǵan eks-sheneýnikke úkim shyǵaryldy

1229 ret kórsetildi

Atyraý qalasynyń №2 sotynda bilim basqarmasy basshysynyń burynǵy orynbasary Tolǵanaı Qolbaevaǵa qatysty úkim shyǵaryldy. Oǵan bıýdjet qarajatyn jymqyrdy degen aıyp taǵyldy, dep habarlaıdy Egemen.kz.

Bul týraly «Moı gorod» portaly málimdedi.

Ol 2015-2020 jyldar aralyǵynda óziniń qyzmettik jaǵdaıyn paıdalanyp, joldasy Qolbaevamen birge bıýdjetten bólingen 111 mln teńgeni ıemdengen.

«Bul aqshanyń 54 mln teńgesin Qolbaeva ıemdense, qalǵan bóligin onyń seriktesi alǵan. Olar qarajatty jalaqyny zańsyz esepteý arqyly alǵan. Kolbaeva aqshany óziniń bank kartasyna, sondaı-aq anasynyń kartasyna aýdarǵan», delingen is materıalynda.

Sot tergeýi barysynda áıel adam óz kinásin moıyndap, ókingen. Al ıemdengen qarajatty tolyǵymen qaıtardy. Úkim shyǵarý kezinde sot onyń kámeletke tolmaǵan balalary bar ekenin de eskerdi.

Eks-sheneýnik kináli dep tanylyp, jeti jylǵa bas bostandyǵynan aıyryldy. Jazasyn ortasha qaýipsiz qylmystyq-túzetý júıesi mekemesinde óteıdi. Sonymen qatar oǵan ómir boıy memlekettik qyzmette jumys isteýge tyıym salyndy. Degenmen Tolǵanaı Qolbaevanyń jas balalary bolýyna baılanysty sot jazany bes jylǵa keıinge qaldyrý týraly sheshim qabyldady.

Úkim zańdy kúshine engen joq jáne oǵan shaǵym jasalýy múmkin.

Sońǵy jańalyqtar

Tarazda Qonaev eskertkishi boı kóterdi

Aımaqtar • Búgin, 12:50

Qazaqstanda qansha adam vaksına aldy

Koronavırýs • Búgin, 10:42

Elimizde 1452 adamnan koronavırýs anyqtaldy

Koronavırýs • Búgin, 09:05

Uqsas jańalyqtar