Bul týraly Birinshi kredıt bıýrosy málimdedi.
«2021 jyly ıpotekalyq nesıe berý eki esege artty. 8 aı ishinde Qazaqstanda jalpy somasy 1,2 trln teńgege jýyq 97,2 myńnan astam kelisimshart resimdeldi. Bul bir jyl burynǵyǵa qaraǵanda edáýir kóp. Berilgen kredıtter sany 62%, al olardyń kólemi 2 eseden astam ósti. Qazaqstandyqtar kóbinese bir ıpotekany óteı salyp, ekinshisin alady. Bıyl 4,1 myńnan astam adam osyndaı ıpoteka rásimdegen», delingen bıýro habarlamasynda.
Sarapshylar 2021 jyldyń 8 aıyndaǵy qorytyndy boıynsha satyp alý-satý mámileleriniń sany 370 myńnan asqanyn aıtady. Bul 2020 jyldyń sáıkes kezeńimen salystyrǵanda 2,1 ese kóp.
«Qazaqstandyqtardyń zeınetaqy jınaqtarynyń bir bóligin paıdalanýǵa múmkindigi paıda bolǵany serpin bergeni anyq. 7 aı ishinde BJZQ-dan turǵyn úı jaǵdaılaryn jaqsartý úshin alýshylardyń shottaryna 1,76 trln teńge aýdaryldy. Bul somanyń shamamen 70%-y turǵyn úı satyp alý kezinde tolyq esepteýge baǵyttalǵan. 10%-dan astamy ıpotekalyq qaryz alý úshin paıdalanylǵan», dep jazady taldaý ortalyǵy.
Taldaýǵa súıensek, keıingi 12 aıda merzimi ótken ıpotekalyq nesıeniń kólemi 310,5 mlrd teńgeden 216,5 mlrd teńgege deıin azaıǵan.
