Jarty jyl boıy qazaqstandyq bitimgershilik kontıngenti jergilikti jerdi patrýldeý, blok-beketterde qyzmet atqarý, bazany kúzetý mindetterin oryndady, sondaı-aq shtabtaǵy mıssııanyń sharalaryna qatysty.
Bitimgerler maıor Danııar Záripovtyń basshylyǵymen júktelgen mindetterdi laıyqty deńgeıde oryndap shyqty. – Áskerı qyzmetshiler ózderine júktelgen joǵary jaýapkershilikti tolyq sezine bildi, óıtkeni olar Qazaqstannyń Qarýly Kúshterin ǵana emes, sondaı-aq búkil eldi BUU qoldaýymen álemdik qoǵamdastyq aldynda tanystyrdy. Jasaqtyń moraldyq-psıhologııalyq jaı-kúıi joǵary deńgeıde, dedi komandır.
Bitimgerlerdiń aıtýynsha, eldi mekender men olarǵa irgeles aýmaqtardy kúndelikti patrýldeý jaýapkershilik aımaǵynda jaǵdaıdyń qalypty ekenin kórsetedi. Qazaqstandyq áskerı qyzmetshiler Úndi bitimgershilik batalonynyń quramynda qyzmet atqarady.
Bizdiń áskerı qyzmetshilerdiń kásibıligin mıssııa qolbasshylyǵy, sondaı-aq birlesip patrýldeý júrgizetin Lıvan Respýblıkasy Qarýly Kúshteriniń ókilderi birneshe ret atap ótti.
