Qazaqstan • 14 Qazan, 2021

Elorda Jastary turǵyn úı baǵdarlamasyna ótinim qabyldaý bastaldy

66 ret kórsetildi

Búgin, 14 qazanda elordada jastarǵa arnalǵan Elorda Jastary arnaıy turǵyn úı baǵdarlamasyna qatysýǵa ótinimder qabyldaý bastaldy. Qujattar 21 qazanǵa deıin qabyldanady, dep habarlaıdy Egemen.kz qala ákimdiginiń resmı saıtyna silteme jasap.

Esterińizge sala keteıik, jeńildetilgen nesıe berý baǵdarlamasyn elorda ákimdigi «Otbasy bank» AQ-men birlesip, medısına, pedagogıka salasynyń qyzmetkerleri, mádenıet, áleýmettik sala, kommýnaldyq kásiporyndar men elorda mekemeleriniń, polısııa jáne TJ departamentteriniń qyzmetkerleri, jattyqtyrýshylar men sportshylar-oqytýshylar, jýrnalıster jáne t. b. bolyp tabylatyn 35 jasqa deıingi (35 jasty qosa alǵanda) jastarǵa arnalǵan.

Atalǵan turǵyn úı baǵdarlamasyn júzege asyrýǵa ákimdiktiń 2021-2023 jyldarǵa arnalǵan Elorda Jastary baǵdarlamasy kómektesedi. Elorda Jastary baǵdarlamasy jastarǵa, sonyń ishinde turǵyn úı jelisi boıynsha tolyq qoldaý kórsetýge baǵyttalǵan. Sonymen qatar, Elorda Jastary baǵdarlamasynda bilim berý, jumyspen qamtý, bos ýaqytty ótkizý jáne t. b. baǵyttar bar.

Bul turǵyn úı baǵdarlamasynyń mindetti sharty - Otbasy bankiniń salymshysy bolý (1.8 mln.teńgeden kem emes depozıti bolý kerek).

Elorda Jastary baǵdarlamasynyń sharttary kelesideı:

- Qaryz somasy 18 mln. teńgege deıin;

- Paıyzdyq mólsherleme - jyldyq 5%;

- Bastapqy jarna 10%;

- Nesıeleý merzimi 25 jylǵa deıin;

- «QTK» AQ kepildigi bolǵan jaǵdaıda, bastapqy/qaıtalama naryqtardaǵy paıdalanýǵa berilgen turǵyn úı ne úlestik qatysý sharty boıynsha salynyp jatqan turǵyn úı.

Joǵaryda atalǵan sharttarmen qatar baǵdarlamaǵa qatysýǵa úmitker men onyń otbasy músheleriniń sońǵy 5 jyl ishinde menshiginde satyp alý quqyǵymen turǵyn úıi nemese jalǵa beriletin turǵyn úıi bolmaýǵa tıis. Sondaı-aq, ótinish berýshige keminde sońǵy 1 jyl boıy Nur-Sultan qalasynda turaqty tirkeýi jáne ótinish berýshiniń otbasy múshelerin Nur-Sultan qalasynda tirkeýi mindetti.

О́tinimderdi qabyldaý tek elektrondy túrde qatysu.zhilfond.kz portaly arqyly júzege asyrylady. 

Qajetti qujattar tizimi:

  1. Azamattyq hal aktilerin memlekettik tirkeý týraly kýálik (bala týý, neke qııý, nekeni buzý jáne t. b.);
  2. О́tinish berýshige jáne Qazaqstan Respýblıkasy boıynsha otbasynyń barlyq múshelerine jyljymaıtyn múliktiń bolmaýy (bolýy) týraly anyqtama;
  3. Uıymnyń/mekemeniń fırmalyq blankisinde anyqtama berilgen kúni, shyǵys nómiri, jumysqa ornalasqan kúni jáne atqaratyn laýazymy men laýazymdyq jalaqysy kórsetilgen jumys ornynan berilgen anyqtama. Resmı blank bolmaǵan jaǵdaıda anyqtamada uıymnyń móri bolýy tıis;
  4. Qazaqstan Respýblıkasy Eńbek kodeksiniń 35-babyna sáıkes eńbek ótilin rastaıtyn qujattar (qyzmettik tizim, eńbek kitaby nemese t. b.);
  5. Eńbek qyzmetiniń barlyq kezeńi úshin zeınetaqy aýdarymdary týraly úzindi-kóshirme erli-zaıyptylardyń ekeýine de (jubaıy (zaıyby);
  6. Eger bolsa: ótinish berýshige nemese onyń otbasy múshelerine (jubaıy, balalary) múgedektigi týraly anyqtama;
  7. Depozıtte jınaqtalǵan somany kórsete otyryp, «Otbasy bank» AQ-da depozıttik shottyń bolýy týraly anyqtama (erli-zaıyptylardyń ekeýine de, jınaqtalǵan soma 1.8 mln. teńgeden kem bolmaýy tıis);
  8. Jumys isteıtin erli-zaıyptylardyń ekeýinde de sońǵy 6 aıdaǵy tabysy týraly jumys ornynan anyqtama bolýy tıis;
  9. Joǵary nemese orta arnaýly bilimi týraly qujat.

Qatysýshylardy irikteý balldardy esepteý arqyly júrgiziledi.

Baǵdarlama týraly tolyq aqparatty zhilfond.kz saıtynan alýǵa bolady, sondaı-aq, myna telefon nómirleri boıynsha qońyraý shalý arqyly: 109, 300, +7 (7172) 55-66-33,+7-700-725-17-32.

 

Sońǵy jańalyqtar

Jastar qalaýy – jarqyn keleshek

Referendým-2022 • Keshe

Referendýmdy qoldaýǵa úndeý jasady

Referendým-2022 • Keshe

Aǵa býynnyń aıtary bar

Referendým-2022 • Keshe

Áljannyń kise belbeýi

Tarıh • Keshe

Uqsas jańalyqtar