Qujat eki eldiń memlekettik shekarasyndaǵy turaqtylyqty jáne shekara mańyndaǵy aýdandarda tynyshtyqty qamtamasyz etý, shekara máselelerin ózara qurmet, senim, teń quqyqtyq, dostyq jáne yntymaqtastyq rýhynda retteý maqsatynda ázirlendi,
Qazaqstan-Túrikmen memlekettik shekarasynyń rejımi ózine:
- Qazaqstan-Túrikmen memlekettik shekarasyn ustaý;
- Adamdardyń, kólik quraldarynyń Qazaqstan-Túrikmen memlekettik shekarasyn kesip ótýi jáne ol arqyly júkter men ózge de múliktiń ótkizilýi;
- Qazaqstan-Túrikmen memlekettik shekarasy arqyly adamdardy, kólik quraldaryn, júkterdi jáne ózge de múlikti ótkizý;
- Qazaqstan-Túrikmen memlekettik shekarasy men shekaralyq beldeýlerdiń ústinen ushýdy júzege asyrý;
Qazaqstan-Túrikmen memlekettik shekarasynda, shekara beldeýlerinde, sondaı-aq shekara sýlary sheginde sharýashylyq, kásipshilik, zertteý, izdestirý nemese ózge de qyzmetti júrgizý, qoǵamdyq-saıası, mádenı nemese ózge de is-sharalardy ótkizý (onyń ishinde olardy paıdalaný); - Shekaralyq qaqtyǵystardy sheshý.
Sonymen birge, memleketterdiń azamattary shekaralyq vedomstvolardyń ruqsatymen shekaralyq sýlardyń óz bóligi sheginde balyq aýlaýdy júzege asyra alady.
«Memlekettik shekara rejımin Taraptar memleketteriniń birlesken qyzmeti qoldaıdy jáne onyń máseleleri osy kelisimmen, sondaı-aq Taraptar memleketteriniń zańnamasymen jáne eki Tarap memleketteri qatysýshylary bolyp tabylatyn halyqaralyq sharttarmen reglamentteledi», delingen qujatta.
Kelisimniń mátinin «Ashyq NQA» saıtynan kórýge bolady, onda ol 23 qazanǵa deıin jarııa talqylaý úshin ornalastyrylǵan.
