«Biz búginde meshitterimizge bilimdi, tájirıbeli jas ǵalymdardy ımamdyq qyzmetke taǵaıyndap jatyrmyz. Hamzat Qajymuratuly Sham ólkesinde bilim alyp, osy oblystaǵy meshitte, Qazaqstan musylmandary dinı basqarmasynyń ortalyq apparatynda, elordamyzdaǵy «Sádýaqas qajy Ǵylmanı» meshitinde jumys istedi. Osy óńirde de ózine júktelgen qyzmetti abyroımen atqarady dep senemin» dedi Naýryzbaı qajy Taǵanuly.
Bas múftı osyǵan deıin oblysta bas ımam bolǵan Kenjetaı Dúısenbaıǵa alǵys aıtyp, rızashylyq nıetin jetkizip: «Sizdiń dinı saladaǵy mol tájirıbeńizdi eskerip, Dinı basqarmaǵa qyzmetke qabyldadyq» dedi.
Igi is-sharada meshit aqsaqaldary ımamdarǵa batasyn berip, duǵa jasady.
