О́z sózinde EHÁQM basshysy azamattardy zeınetaqymen qamtamasyz etýge erekshe nazar aýdardy.
«Búginde zeınetkerler sany 2,2 mln adamdy quraıdy. Júrgizilgen ındeksteýdi esepke alǵanda bıýdjetten zeınetaqynyń ortasha mólsheri – 99 857 teńge, onyń ishinde yntymaqty zeınetaqy – 68 774 teńge, bazalyq zeınetaqy – 31 083 teńge. Qazaqstan Prezıdentiniń tapsyrmasyna sáıkes zeınetaqy jınaqtaryn jetkiliktilik sheginen tys 500 myńnan astam adam aldy. Jyl basynan beri azamattar ózderiniń turǵyn úı jaǵdaılaryn jaqsartýǵa, emdelýge jáne zeınetaqy aktıvterin basqarý jónindegi kompanııaǵa 1,9 trln teńgeden astam qarajat jiberdi», dedi Serik Shapkenov.
Sonymen qatar ol yntymaqty zeınetaqydan jınaqtaýshy zeınetaqyǵa kóshýdi eskere otyryp, joǵalǵan tabysty zeınetaqymen almastyrý koeffısıenti jyl saıyn tómendeıtinin atap ótti.
BJZQ-nyń aktýarlyq esepterine sáıkes, 2026 jyly zeınetaqy ortasha aılyq jalaqynyń 39% jýyǵyn ǵana almastyratyn bolady. 2040 jyly - 20%, al 2060 jyly-bar bolǵany 18%.
«Zeınetkerlerdiń, onyń ishinde bolashaq zeınetkerlerdiń jaǵdaıy nasharlamaýy kerek! Qazirgi ýaqytta zeınetaqy júıesiniń tıimdiligin qamtamasyz etý úshin zeınetaqy júıesin odan ári jańǵyrtýdyń 2030 jylǵa deıingi qoldanystaǵy Tujyrymdamasyna ózgerister men tolyqtyrýlar engizý boıynsha jumystar júrgizilýde. Birinshiden, bazalyq zeınetaqy tóleminen eń tómengi kepildendirilgen zeınetaqyǵa kóshý esebinen eń tómengi kepildikter júıesin jetildirý kózdeledi. Ekinshiden, qoldanystaǵy Tujyrymdamada 2023 jyldan bastap jumys berýshilerdiń 5% mindetti zeınetaqy jarnalaryn engizý kózdelgen. Nátıjesinde azamattardy zeınetaqymen qamsyzdandyrý deńgeıin halyqaralyq eńbek uıymy usynǵan standarttan tómen emes – joǵalǵan kiristiń keminde 40%-yn saqtaý qamtamasyz etiledi», dep habarlady mınıstr.
