Bas júlde eki birdeı óner ujymyna buıyrdy. Almatydaǵy Ǵabıt Músirepov atyndaǵy qazaq memlekettik akademııalyq balalar men jasóspirimder teatry Áshirbek Syǵaı atyndaǵy syılyqty, al Qaraǵandydaǵy Sáken Seıfýllın atyndaǵy oblystyq qazaq drama teatry Táýelsizdiktiń 30 jyldyǵyna arnalǵan bas júldeni jeńip aldy. Budan bólek talantymen tánti etken ónerpazdar «Úzdik rejıssýra», «Úzdik akter», «Úzdik ssenografııa» sekildi 9 atalym boıynsha marapattaldy. Al Shymkenttegi Jumat Shanın atyndaǵy teatr Áshirbek Syǵaıdyń shákirtteri taǵaıyndaǵan arnaıy júldege ıe boldy.
Aıta ketý kerek, elimizdiń barlyq óńirinen jınalǵan 15 teatr 6 kún boıy Arqa jurtyna rýhanı lázzat syılap, barlyq qoıylym anshlagpen ótti. Endi bul festıval árbir eki jyl saıyn dástúrli túrde ótkizilip turmaq. Keleshekte halyqaralyq deńgeıge shyǵarý da josparda bar.
«Qazir túrli janrlar damydy. Jańa drama, perfomans, verbatım. Osy jańa janrlardy qalyptastyrýdyń ókilderi - elimizdiń jas rejısserleri kóp qatysty. Ártúrli janrlarda spektaklder boldy. Festıval joǵary deńgeıde ótti. Syn da aıtyldy. Festıval degen kez kelgen teatrǵa kóńili qalmasyn dep toqpan jilik taratyp berý emes. Bir teatrǵa birneshe nomınasııa berdik, nomınasııa almaǵan da teatrlar bar. О́ıtkeni óner – báıge», dedi teatr synshysy Mıras Ábil.
