20 myń sharshy metr baspana

Bul týraly Kókshetaý qala­synyń ákimi Jarqyn Jumaǵulov jýrnalıs­termen ótken brıfıngte málimdedi. Sońǵy jyldary shyn má­nindegi qurylys alańyna aınalǵan Kók­shetaýdyń kelbeti, osymen birgelikte turǵyndardyń kóńil kúıi de shyraılanyp qalǵandaı. Máselen, 2013 jyly 15 kópqabatty úı salynsa, jas otbasylarǵa 5 myń sharshymetrlik jaıly páterler bólindi. Onyń ústine, jaldap turý ádisimen 3 myń sharshy metrge jýyq jańa páter paıdalanýǵa berildi. «Qoljetimdi turǵyn úı-2020» baǵdarlamasy aıasynda Tur­ǵyn úı qurylys jınaq banki serpindi qımyl tanytqanyn aıta ketý kerek. Jańa bastama ıeleri 12 myń sharshymetrlik zamanalyq turǵyn úılerdi qatarǵa qosyp, kók­shelikter rızashylyǵyna bólendi. Sondaı-aq, Kókshetaýda turǵyn úı-kommýnaldyq sharýashylyǵyn qaıta jańǵyrtý isi jandana túsýde. Olaı deýimizge jyl ishinde 19 kópqabatty úıdiń sán-saltanaty ashyla túskeni negiz bolady. Bul maqsatqa oblys qazynasynan  400 mıllıon teńge qarjy jumsalyp, tolyq ıgerilgen. Qala turǵyndary arasynda memlekettik baǵdarlama ustanymdaryn keńinen túsindirý, aqparattyq jumystardyń aýqy­myn keńeıtý jurtshylyq arasynda qozǵalys týdyryp otyr. Baqbergen AMALBEK, «Egemen Qazaqstan». KО́KShETAÝ.