«Kıeli joldyń ıesi – Raıymbek...»

Almaty mýzeıinde ótken tu­­­saýkeser rásiminde batyr baba­myzdyń el men jer­diń azattyǵy jolyndaǵy kúres­kerlik hám qaı­rat­kerlik murasy haqyn­daǵy dáıektemeler dóńge­lek ústel taqy­ry­byna arqaý boldy.

Úsh bólimnen turatyn akade­mııa­lyq basylymda aty ańyzǵa aınalǵan Raıym­­bek Túkeuly týraly zertteýler, esseler men ma­qalalar, el aýzynda júrgen ańyzdar hám jyr-dastandar, belgili aqyndardyń arnaý óleń­deri, bahadúr babaǵa qatysty fotosýretter toptastyrylǵan.

Jınaq aqıyq aqyn Muqa­ǵalı Ma­qa­taevtyń «Raıymbek, Raıym­bek!» poemasymen erek­shelenip tursa, Sabdaly jyraý aıtatyn dastannyń eki nusqasy, jazýshy J.Turlybaıulynyń «Raıymbek batyr» roman-dılogııasyndaǵy fol­klorlyq motıvter, sonymen birge aqyn, dramatýrg, Nur­lan Ora­­­­­za­lın, jazýshy Bek­sultan Nur­­jekeev, tarıhshy Mám­bet Qoı­­geldi, jazýshy-etnog­raf Nur­lan Sársenbaev, taǵy da basqa avtorlardyń esse, zertteýleri men maqalalary, ba­­tyr jaıyndaǵy ańyzdar, jyr-dastandar men óleń­der akademııalyq basylymdy ta­qy­ryptyq jaǵynan baıyta túsedi.

Almaty qalalyq mýzeıler birles­tiginiń úılestirýimen qolǵa alynǵan jınaq osy ujym­­nyń basshysy Ánýar Úm­betálıev jáne mádenıet janashy­ry, mesenat Aınur Jumash­tyń demeý­shiligimen júzege asyp otyr. Bas redaktory – Qa­­­­zaqstan Jazýshylar oda­ǵy tóraǵasynyń keńesshisi, aqyn Er­jan Alashtýǵan. E.Alash­týǵan óz sózinde kúni búginge deıin batyr ba­ba týraly qandaı eńbekter ja­ryq­­qa shyqsa, so­nyń barlyǵy osy ǵylymı-ta­nymdyq akademııalyq jı­naqqa enip otyrǵandyǵyn jet­kizdi. Kitapty jınaý barysynda kóp­tegen akademııalyq nusqalar basshylyqqa alynǵan. Ǵylymı saraptama jasalyp, dáıektemesi, ǵylymı negizdemesi joq derekter qoldanylmaǵan. Kitap sýretshi Sháken Bókentaıulynyń týyndylary negizinde bezendirildi.

Tusaýkeser rásiminde osy jınaq av­­torlarynyń biri jazýshy-pýblısıst Jaqypjan Nurǵojaev jadynda jattalyp qalǵan batyr erligi haqynda sóz qozǵaı kelip, «Muqaǵalı» jýr­naly­nyń jaryqqa shyǵýynyń  tarıhyna toqtalyp ótti. Osy ıgi bastamanyń batyr babanyń týǵanyna 300 jyl tolýy qar­sańyn­da qolǵa alynǵandyǵy jaıyn­daǵy qyzyqty derekter qa­tysýshylardyń nazaryn aýdardy.

О́z sózin ońtústik astanadaǵy mýzeıler, kitaphanalar isiniń jandanyp kele jatqandyǵymen baılanystyra bastaǵan qalalyq Mádenıet basqarmasynyń basshysy Ǵanı Maılybaev batyr baba jaıyndaǵy eńbektiń óskeleń urpaq úshin qajet ekenin, sonymen qatar el azattyǵy jolynda kúresken qaıratker tulǵalar jaıyndaǵy basylymdardyń kóptep jaryqqa shyǵýy, kitap­hanalarda qoljetimdi bolýynyń mańyzdylyǵyna toqtaldy. 

Aqyn, Qazaqstan Jazýshylar oda­ǵy basqarma tóraǵasynyń orynbasa­ry Baqyt Bedelhan  jınaqty daıyn­daýǵa atsalysqan redaksııa alqasynyń jumys­y jaıynda aıtyp ótip, elimizdiń tutastyǵy jolynda bul barsha Alashqa kerek eńbek dep atap ótti. Kemeńger kóshbasshy,  ádilet týyn asqaqtatqan batyr baba jaıyndaǵy jınaqtyń qo­ǵam úshin mańyzdylyǵyna toqtalǵan Jul­dyz Muqaǵalıuly, jýrnalıst Rysbek Sársenbaev osy ıgi iske bastamashy bolǵan aza­mattarǵa rızashylyǵyn bildirdi.

Taǵylymdy derektermen to­lyq­qan ǵylymı-tanymdyq basylym arnaýly jáne joǵary oqý oryndarynyń stýdentterine, mek­tep oqýshylary men qalyń oqyrmanǵa arnalyp otyr.