«Atyraý oblysy ákiminiń orynbasary Qaırat Nurlybaevqa qatysty qylmystyq is boıynsha prokýrordyń 2021 jylǵy 13 shildedegi qaýlysymen ol «Buıyrǵyn» aýyl sharýashylyǵy óndiristik kooperatıvine 83,7 mıllıon teńge kóleminde ınvestısııalyq sýbsıdııany zańsyz tóleý arqyly bıýdjet qarajatyn ysyrap etý deregi boıynsha qylmystyq is boıynsha kúdikti dep tanyldy», delingen habarlamada.
Investısııalyq sýbsıdııalar kelisimsharttaryn jasaý jáne ınvestısııalyq sýbsıdııalardy tóleý Qaırat Nurlybaevtyń Atyraý oblysy aýyl sharýashylyǵy basqarmasynyń basshysy bolyp jumys istegen kezinde, 2019 jyldyń 26 maýsymynan 4 jeltoqsanyna deıin júzege asyrylǵan. Bul laýazymǵa ol 2019 jyldyń 5 maýsymynda taǵaıyndalǵan. Búginde «Buıyrǵyn» kooperatıvi 83,7 mıllıon teńge qaryzdy tolyq kólemde ótegen.
